Dzikavicki: «Abjektyŭ» ciapier — jak nieba i ziamla
Alaksiej Dzikavicki — kiraŭnik redakcyi infarmacyjnych prahram «Biełsata» — pakinuŭ u nas na sajcie voś taki kamient.
Šanoŭnyja hledačy Biełsata! (Častka kamientaroŭ, na žal, nahadvaje viadomaje vykazvańnie «nie čytaŭ/nie hladzieŭ/nie słuchaŭ, ale heta drenny pradukt», tamu što tyčycca niehledačoŭ, dyk ź imi dyskutavać, badaj, niama sensu.)
Dazvolcie, budu vykazvacca pieradusim u spravie infarmacyjnych prahramaŭ, za jakija adkazvaju.
Dyk voś ža dziakuju za šyrokaje abmierkavańnie temy. Mahčyma, infarmacyja pra abmiežavańnie času viaščańnia i ČASOVUJU źmienu farmatu i była nie dastatkova poŭnaj, ale ździŭlaje toje, što spadarstva kamientatary praktyčna nie zaŭvažyli fundamientalnych źmienaŭ, pieradusim, u infarmacyjnaj častcy viaščańnia!
«Studyja Biełsat» (pačatak pracy — vierasień), heta absalutna novy ŭzrovień infarmacyjnaha viaščańnia, amal trochhadzinny błok (ciapier u im dźvie paŭhadzinnyja zapisanyja raniej ustaŭki), ale ad 3 studzienia 2013 hodu žyvoha efiru ŭ navinach budzie jašče na 30 chvilinaŭ bolej!
A «Abjektyŭ» — hałoŭnaja infarmacyjnaja prahrama našaha telekanału? Pahladzicie vydańni chacia b trochhadovaj daŭniny i ciapierašnija, niaŭžo roźnica nie kidajecca ŭ vočy?
Kaniečnie, my robim pamyłki, bo ŭvieś čas vučymsia i budziem vučycca nadalej, bo hatovych kadraŭ i receptaŭ, uvohule, rynku niezaležnaj televizijnaj žurnalistyki u sučasnaj Biełarusi, na žal, niama. Kali ŭ Ispanii ci Polščy inviestar maje hrošy i choča stvaryć telekanał, dyk jon pierakuplaje admysłoŭcaŭ ź inšych TV, my ž vychoŭvajem novaje pakaleńnie televizijonščykaŭ, jakija pracujuć
Dyk voś ža jašče raz dziakuj za abmierkavańnie i prašu brać pad uvahu taksama skazanaje vyšej.
Kali majecie cikavyja idei, hatovyja prapanavać svaju enierhiju i viedy — pišycie (kaardynaty na www.belsat.eu), my ž možam zamiest taho, kab narakać dy skardzicca, palepšyć NAŠ adziny va ŭsim śviecie biełaruskamoŭny dy niezaležny telekanał razam!
Dziakuju jašče raz tym hledačam, jakija nas kanstruktyŭna padtrymali ŭ abmierkavańni situacyi i, naturalna, tym sotniam tysiačaŭ, što daviarajuć nam, štodnia ŭklučajučy televizar, a 21.00 na «Abjektyŭ», ci, a 19.00 na «Studyju Biełsat» dy inšyja prahramy!
Z pavahaj,
Alaksiej Dzikavicki, kiraŭnik redakcyi infarmacyjnych prahram Biełsat TV
-
«Sproby stvaryć Łukašenku vobraz «samaha čałaviečnaha čałavieka» tolki padkreślivajuć krajniuju nialudskaść sistemy»
-
Sieviaryniec: U administracyi SIZA pierakošvała tvary ad adnoj zhadki proźvišča Cichanoŭskaha
-
Juval Noj Charary: Štučny intelekt pieratvaryŭsia ŭ nož, jaki chutka budzie sam vyrašać, kaho zabić
Kamientary