U padatkovy orhan pieradadzienyja źviestki z kryminalnaj spravy Alesia Bialackaha.
Padatkavyja orhany praciahvajuć cikavicca dziejnaściu pravaabaroncy, siabra Rady začynienaha ŭładami pravaabarončaha centra «Viasna», prezidenta Biełaruskaha Doma pravoŭ čałavieka Taćciany Raviaka.
Pravierka dachodaŭ i majomaści pravaabaroncy, jakuju robić inśpiekcyja Ministerstva pa padatkach i zborach pa Pieršamajskim rajonie Minska z 2004 pa 2010 hod, nie vyjaviła ŭ padadzienych joju dakumientach parušeńniaŭ, źviazanych z utojvańniem prybytkaŭ.
Adnak padčas pravierki vyśvietliłasia, što ŭ padatkovy orhan pieradadzieny źviestki z kryminalnaj spravy Alesia Bialackaha.
Nahadajem, u spravie Alesia Bialackaha ŭ dakumientach ź litoŭskaha i polskaha bankaŭ, jakija lehli ŭ asnovu abvinavaŭčaha prysudu va ŭchileńni ad padatkaŭ, byli źviestki ab srodkach, jakija Bialacki pieraličvaŭ na pravaabarončuju dziejnaść svaim kaleham, u tym liku Taćcianie Raviaka.
Taćciana Raviaka ŭžo dvojčy (20 i 27 listapada) była apytanaja staršym padatkavym inśpiektaram adździeła kantrolu za dekłaravańniem prybytkaŭ i majomaści fizičnych asobaŭ inśpiekcyi MNS pa Pieršamajskim rajonie Valancinaj Buravaj nakont sumaŭ, jakija fihurujuć u kryminalnaj spravie Bialackaha. Pa słovach Buravaj, hetaja infarmacyja była pieradadzienaja ŭ rajonnuju inśpiekcyju «vyšejšymi orhanami Ministerstva pa padatkach i zborach RB», ale nie zmahła adkazać, pa čyjoj inicyjatyvie jany byli tudy pieradadzienyja.
Taćcianie Raviaka było prapanavana adkazać na pytańni, datyčnyja najaŭnaści rachunkaŭ u litoŭskim banku, metaŭ ich adkryćcia, charaktaru pieravodaŭ na ich srodkaŭ.U pratakole apytańnia ŭkazvajecca, što «u inśpiekcyi majucca kopii vypisak z rachunkaŭ AO DnB NORD bank, Vilnia, Litva, zhodna ź jakimi atrymalnikam hrašovych srodkaŭ była T.Raviaka» (ad A. Bialackaha), adnak inśpiektar admoviłasia pradstavić sami vypiski. Pravaabaronca admoviłasia kamientavać infarmacyju biez aznajamleńnia z dakumientami, a adnosna tłumačeńniaŭ pa rachunkach skarystałasia svaim kanstytucyjnym pravam nie davać śviedčańniaŭ, jakija mohuć być skarystany suprać jaje.
Inśpiektar Burava paviedamiła, što padatkavaja budzie pravodzić pravierku pa atrymanaj sa spravy Bialackaha infarmacyi, pa vynikach jakoj budzie pryniata rašeńnie, ci buduć srodki, jakija nibyta byli pieraličanyja Taćcianie Raviaka, zaličanyja jak jaje asabisty prybytak, jaki nie byŭ zadekłaravany i ź jakoha nie vypłačanyja padatki.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca8
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary