Niekalki dziasiatkaŭ siabraŭ BRSM i aktyvistaŭ veteranskich arhanizacyjaŭ pikietavali siońnia budynak hieneralnaha konsulstva Estonii ŭ Miensku. Hetak pikietoŭcy padtrymali sankcyjavanyja rasiejskimi ŭładami antyestonskija mitynhi ŭ bujnych haradach Rasiei.
Niekalki dziasiatkaŭ siabraŭ BRSM i aktyvistaŭ veteranskich arhanizacyjaŭ pikietavali siońnia budynak hieneralnaha konsulstva Estonii ŭ Miensku.
Hetak pikietoŭcy padtrymali sankcyjavanyja rasiejskimi ŭładami antyestonskija mitynhi ŭ bujnych haradach Rasiei. Rasiejcy pratestujuć suprać pieranosu pomnika zahinułym savieckim sałdatam z centru na vajskovyja mohiłki Talina.
Z‑za niepradkazalnaści sytuacyi konsulstva Estonii ŭ Miensku 3 traŭnia nie pracavała.
Jak paviedamiŭ našamu karespandentu dziažurny dyppradstaŭnictva, pakul nie viadomy hrafik pracy ŭstanovy na nastupnyja dni, pakolki ŭdzielniki akcyi abiacali viartacca da budynku štodnia, až da Dnia pieramohi 9 traŭnia.
Razam z tym, pradstaŭniki dyplamatyčnaha viedamstva kažuć, što z ulikam addalenaści konsulstva ad centru Miensku (a niadaŭna estonskija dyplamaty pierajechali ŭ budynak pa adrasie 2‑hi zavułak Kalcova ŭ mikrarajonie Zialony Łuh) spadziavacca na šyrokuju padtrymku mienčukoŭ nie vypadaje.
Prynamsi, za hadzinu stajańnia ŭ pikiecie nichto ź minakoŭ da mitynhoŭcaŭ nie dałučyŭsia.
Pikiety nasuprać hieneralnaha konsulstva Estonii ŭ Miensku dazvoliŭ Mienharvykankam.
Ciapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru7
Kamientary