U Maskvie nia buduć hladzieć «Biełaruś‑TB»
Aperatar maskoŭskaj haradzkoj sietki kabelnaha telebačańnia «Mostelekom» admoviła ŭ raspaŭsiudžvańni kanału «Biełaruś‑TB», paviedamiŭ kiraŭnik NDTRK A. Zimoŭski.
Apieratar maskoŭskaj haradskoj sietki kabielnaha telebačańnia — kampanija «Mostelekom» — aficyjna admoviŭ u raspaŭsiudžvańni kanała «Biełaruś‑TB». Pra heta zajaviŭ 3 maja na II Biełaruskim infarmacyjnym forumie «Sacyjalnaja adkaznaść srodkaŭ masavaj infarmacyi» staršynia Nacyjanalnaj dziaržaŭnaj teleradyjokampanii Respubliki Biełaruś Alaksandr Zimoŭski. Pra pryčyny takoha rašeńnia maskoŭskich kaleh jon ničoha nie paviedamiŭ.
Jak stała viadoma BiełaPAN, u aficyjnym liście kiraŭnictva AAT «Mostelekom» na imia A.Zimoŭskaha havorycca ab tym, što kampanija «nie moža ažyćciavić uvod telekanała «Biełaruś‑TB» u sietki kabielnaha telebačańnia (SKT) na biazvypłatnaj asnovie». Padstavaj vystupajuć p.p. 2,3 artykuła 40 Padatkovaha Kodeksa RF, zhodna ź jakim «pry adchileńni cen na tavary (pasłuhi, raboty) bolš čym na 20% padatkovy orhan maje prava pryniać rašeńnie ab danaličeńni padatkaŭ i pieniaŭ pa padatku na dadadzieny košt». «U siłu nazvanych pałažeńniaŭ pry ŭvodzie telekanała «Biełaruś‑TB» u SKT «Mostelekom» budzie abaviazany zapłacić padatki na ŭvieś košt biazvypłatna akazanych pasłuh, vyznačyŭšy hety košt zychodziačy ź finansavych umoŭ uvodu inšych telekanałaŭ. Zaraz košt uvodu telekanała ŭ SKT vyznačajecca zychodziačy z cany na adnaho abanienta ŭ pamiery 15 dołaraŭ ZŠA», — havorycca ŭ liście.
Jak paviedamiŭ BiełaPAN hienieralny dyrektar AAT «Mostelekom» Dźmitryj Kostačaŭ, isnuje ahulny paradak uklučeńnia telekanała ŭ sietku kabielnaha telebačańnia, vyznačany rasijskim zakanadaŭstvam. Jon zaŭvažyŭ, što «admovy va ŭklučeńni kanała «Biełaruś‑TB» u kabielnyja sietki «Mostelekom» nie było» i zaraz pieramovy na hety kont praciahvajucca.
Daviedka BiełaPAN. AAT «Mostelekom» — apieratar haradskich sietak kabielnaha telebačańnia, stvorany pa rašeńni ŭrada Maskvy. Heta adzin z samych bujnych u śviecie apierataraŭ haradskich sietak kabielnaha telebačańnia, pasłuhami jakoha karystajucca kala 3 młn. abanientaŭ (90% maskoŭskich siemjaŭ).
Viaščańnie spadarožnikavaha telekanała «Biełaruś‑TB» na dahavornaj asnovie ažyćciaŭlajecca ŭ kabielnych sietkach 13 krain (Aŭstralija, Armienija, Bałharyja, Hruzija, Kazachstan, Łatvija, Litva, Małdova, Polšča, Rasija, Uźbiekistan, Ukraina, Estonija). Aŭdytoryja składaje bolš za 5 młn. telehledačoŭ.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ3
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary