U krasaviku Eŭrapiejskaja Kamisija abjaviła imiony čatyroch pieramožcaŭ premii, nakiravanaj na raźvićcio inavacyjnaj i vynachodnickaj dziejnaści ŭ EZ.
U naminacyi «Pramysłovaść» pieramahli Franc Lermer i Andrea Urban (supracoŭniki kampanii Robert Bosch , Štuthart), vynachodki jakich ažyćciavili revalucyju ŭ sensornych technalohijach, u pryvatnaści, dazvolili stvaryć pavietranyja paduški biaśpieki ŭ sučasnych aŭtamabilach.
U naminacyi «Małyja i siarednija pradpryjemstvy» pieramožcam była abjaŭlena daśledčyckaja kamanda Kaci Bastyjoli (Italija) za stvareńnie novaha typu plastyku (na asnovie kruchmału), što raskładajecca pad uździejańniem mikraarhanizmaŭ. Hetaja technalohija, ličyć Eŭrapiejskaja Kamisija, dazvolić źmieńšyć zabrudžańnie navakolnaha asiarodździa.
U naminacyi «Nieeŭrapiejskija krainy» pieramahła kamanda Džozefa Vaki (ZŠA), jakaja vynajšła Kryksivan — preparat, što zrabiŭ revalucyju ŭ suśvietnaj praktycy lačeńnia virusa imunadeficytu čałavieka (VIČ), što vyklikaje ŚNID.
U naminacyi «Sprava žyćcia» byŭ uznaharodžany Mark Feldman (Vialikabrytanija) za raspracoŭku novych metodykaŭ lačeńnia aŭtaimunnych rasstrojstvaŭ, u pryvatnaści reŭmatoidnaha artrytu.
Eŭrapiejskaja premija «Vynachodnik hodu» była zasnavanaja ŭ 2006 hodzie. Adbor pretendentaŭ ažyćciaŭlajecca na padstavie patentaŭ, zarehistravanych Eŭrapiejskaj patentnaj słužbaj.
