Ministar adukacyi Rumynii nia viedaje, jak vyhladaje ściah Eŭrapiejskaha Źviazu. Rumynija dałučyłasia da Eŭraźviazu na pačatku hodu.
Padčas sustrečy z vučniami adnoj z pravincyjnych škołaŭ, ministar Kryścijan Adamnicej zapytaŭsia ŭ dziaciej, kolki zorak na eŭrapiejskim pałotniščy. Dzieci pravilna adkazali — 12. Adnak ministar ich papraviŭ, śćvierdziŭšy, što ich 15. Ministar adukacyi stajaŭ na svaim, navat kali dzieci pakazali jamu zdymak ściaha j hučna paličyli zorki.
Zdareńnie było źniataje na televizijnyja kamery. Paźniej ministar pryznaŭsia, što byŭ pierakanany ŭ svajoj praŭdzie. Vinu za pamyłku jon skinuŭ na svaich daradcaŭ, jakija, pavodle Adamniceja — drenna jaho painfarmavali.
Kryścijan Adamnicej źjaŭlajecca ministram adukacyi Rumynii tolki dva miesiacy. Pa prafesii — jon inžyner budaŭnictva.
