«Hazprom» vypłaciŭ Biełarusi 625 młn. dołaraŭ, vykupiŭšy takim čynam u AAT «Biełtranshaz» 12,5% akcyj. Pra heta paviedamili aficyjnyja krynicy.
Nahadajem, padpisańnie dahavora kupli‑prodažu akcyj «Biełtranshazu» adbyłosia 18 maja. U hety ž dzień dahavor byŭ zarehistravany ŭ Dziaržaŭnym kamitecie pa majomaści Respubliki Biełaruś. Zhodna z dahavoram, Rasija pavinna była vypłacić zhadanuju sumu na praciahu najbližejšych 20 pracoŭnych dzion. Hrošy «Hazprom» pieraličyŭ daterminova.
Ciapier, pavodle ŭmovy dahavora, u 10‑dzionny termin biełaruski bok pieraviadzie 12,5% akcyj «Hazpromu». Dalej na praciahu 50 dzion nieabchodna budzie pravieści schod akcyjanieraŭ, na jakim u skład členaŭ savieta sumiesnaha pradpryjemstva budzie ŭviedzieny pradstaŭnik «Hazproma».
Jak paviedamlałasia raniej, spačatku biełaruski bok mieŭ na mecie adnamomantna atrymać hrošy za 50% akcyj AAT «Biełtranshaz», ale pavodle žadańnia «Hazproma» vypłata budzie adbyvacca paetapna na praciahu najbližejšych troch hadoŭ.
Košt «Biełtranshazu» acenieny ŭ 5 młrd. dołaraŭ ZŠA. Štohod «Hazprom» budzie nabyvać 12,5% akcyj kampanii. Srodki ad prodažu častki biełaruskaj hazatranspartnaj sistemy pojduć u biudžet Biełarusi. Rasijski bok ustupić u pravy ŭłasnaści i karparatyŭnaha kiravańnia 1 sakavika 2010 hoda, paśla taho jak poŭnaściu vykupić 50% akcyj «Biełtranshazu».
