Zaniesiena pradstaŭleńnie ab pryciahnieńni da dyscyplinarnaj adkaznaści milicyjantaŭ A.N.Łutoviča i A.I.Makareviča. Mienavita hetyja ludzi kiravali čaćviortaha krasavika zachopam prachadnoj Połackaha pradpryjemstva «Škłovałakno». Tady paciarpieli ni ŭ čym nie vinavatyja ludzi.
Zaniesiena pradstaŭleńnie ab pryciahnieńni da dyscyplinarnaj adkaznaści milicyjantaŭ A.N.Łutoviča i A.I.Makareviča. Mienavita hetyja ludzi kiravali čaćviortaha krasavika zachopam prachadnoj Połackaha pradpryjemstva «Škłovałakno». Tady paciarpieli ni ŭ čym nie vinavatyja ludzi.
Adkaz na ich skarhu pastupiŭ z Hienieralnaj prakuratury, paviedamlaje BulletinOnline.org.
Pravierka paćvierdziła, što dziejańni supracoŭnikaŭ milicyi pa dačynieńni da pracaŭnikoŭ achovy i pracoŭnych zavoda nie byli vyklikanyja ab`iektyŭnaj nieabchodnaściu i supiarečyli patrabavańniam Zakona Respubliki Biełaruś «Ab milicyi».
Namieśnik hienieralnaha prakurora V.A.Prus taksama adznačyŭ: hetamu spryjali nienaležnaja padrychtoŭka apieracyi słužbovymi asobami HUUS Mienharvykankama, adsutnaść vyraznaści ŭ dziejańniach apieratyŭnikaŭ.
Ale ŭličvajučy toje, što kiraŭnictva UBEP HUUS stalicy ŭžo sustrakałasia z paciarpiełymi pracaŭnikami i pryniesła im svaje vybačeńni, jakija pryniatyja, respublikanskaj prakuraturaj vyniesienaje pastanova ab admovie va ŭzbudžeńni kryminalnaj spravy ŭ dačynieńni pracaŭnikoŭ HUUS.
Razam z tym, prakuratura ličyć, što za dapuščanyja parušeńni Zakona «Ab milicyi» i vyjaŭleny nieprafiesijanalizm milicyjanty A N.Łutovič i A.I.Makarevič pavinny być pryciahnutyja da dyscyplinarnaj adkaznaści.
Adzin z paciarpiełych prakamientavaŭ hety list tak:
— Ja, kali da nas pryjazdžali pieraprošvać, spytaŭ u milicejskaha načalnika: jak ža pavinien parušyć zakon milicyjant, kab jaho pakarali? Jon ničoha tady nie adkazaŭ. Ciapier razumieju: kali tvaje pravy parušaje milicyjant, słušniej skardzicca nie jaho načalniku, a ŭ prakuraturu. Kali vinavataha nie pasadziać, to choć by daduć šturchiala.
Ciapier čytajuć
Trend siarod biełaruskich zumieraŭ i milenijałaŭ: usio bolš moładzi viartajecca žyć da baćkoŭ3
Kamientary