Inicyjatary stvareńnia partyi «Biełaruskaja chryścijanskaja demakratyja zładzili pikiet‑performans pierad budynkam Kamitetu relihijaŭ i nacyjanalnaściaŭ pry Saviecie ministraŭ. Metaj akcyi było pryciahnuć uvahu hramadztva da prablemaŭ viernikaŭ.
Inicyjatary stvareńnia partyi «Biełaruskaja chryścijanskaja demakratyja zładzili pikiet‑performans pierad budynkam Kamitetu relihijaŭ i nacyjanalnaściaŭ pry Saviecie ministraŭ. Metaj akcyi było pryciahnuć uvahu hramadztva da prablemaŭ viernikaŭ.
Niedazvoleny pikiet u abaronu svabodu vieravyznańnia vyhladaŭ jak sapraŭdny performans. Dva chłopcy, vykonvajučy rolu kataŭ, trymali za zaviazanyja ruki dziaŭčynu, apranutuju ŭ biełaje adzieńnie ź plakatam: «Ja vieru». Pierad hetaj pantamimičnaj kampazycyjaj niekalki maładzionaŭ trymali raściažku «Maju prava na vieru».
Sustaršynia arhkamitetu stvareńnia partyi «Biełaruskaja chryścijanskaja demakratyja» Alaksiej Šein kaža, što da teatralizavanaj formy pratestu moładź vymušanaja była źviarnucca, bo Mienharvykankam nia daŭ dazvoł na pikietavańnie.
«My dvojčy apošnim časam padavali zajaŭki na praviadzieńnie pikietaŭ, — raskazvaje Šein. — Pieršy raz my zamaŭlali miescam praviadzieńnia płošču Svabody, i nam admovili, spasłaŭšysia na toje, što pikiet budzie pieraškadžać minakam. Druhim razam my ŭžo zamaŭlali miescam praviadzieńnia płošču Banhałor, i tady ŭ admovie spasłalisia na niapravilnaje afarmleńnie dakumentaŭ, jakoje palahała ŭ adnoj prapuščanaj litary ŭ adnym słovie».
Pavodle Zakonu «Ab svabodzie sumleńnia i relihijnych arhanizacyjach» Biełarusi, niehramadzianie Biełarusi nia majuć prava na prapaviednickuju dziejnaść. Z hetaj pryčyny apošnim časam vymušanyja byli pakinuć Biełaruś bolej za 25 śviataroŭ i manašak.
Adzin sa śviataroŭ pratestanckaj carkvy «Jan Pradvieśnik» Jarasłaŭ Łukasik, jaki 14 hadoŭ prapaviedavaŭ u Biełarusi, pakidaje krainu da 7 červienia. Jamu zabaroniena viartacca ŭ Biełaruś ciaham 5 hod. Niahledziačy na heta, śviatara ciešyć plon prapaviednickaj pracy:
«Usie14 hod, što ja tut znachodziŭsia, ja staraŭsia słužyć biełarusam praz toje, što ja słužu Bohu. Na dadzieny momant sapraŭdy adčuvaju ščaście, bo ciaham hetaha času ja mieŭ plon. Maładyja ludzi, jakija źjaŭlajucca niejkaj peŭnaj patryjatyčnaj elitaj krainy, pryjšli do Boha — šmat chto ź ich. I adnačasova — šmat chto sa ščyrych viernikaŭ za hety čas staŭsia patryjotam svajoj krainy, radzimy, Biełarusi... Jany lubiać radzimu, słužać joj, pracujuć na jaje. Tamu adčuvaju vialikuju zadavolenaść».
Inšaha pratestanckaha pastara Antosia Bokuna 4 červienia pakarali tryma sutkami aryštu za niesankcyjanavanaje nabaženstva.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii3
Kamientary