U Biełaruskim ahrapramysłovym tydni prymajuć udzieł 680 pradpryjemstvaŭ z 18 krain śvietu.
Hety tydzień u Minsku adznačany vialikaj znakavaj padziejaj u dziejnasci APK krainy — 5 červienia adkryŭsia Biełaruski ahrapramysłovy tydzień. Jon projdzie pa 8 červienia, paviedamili karespandentu BIEŁTA ŭ arhkamitecie.
Druhi raz Biełaruski ahrapramysłovy tydzień pravodzicca ŭ farmacie čatyroch vystavak: «Biełahra‑2007», «Charčovaja industryja», «Upakoŭka i etykietka», «Mikraklimat i choład». Heta daje mahčymaść prasačyć uvieś technałahičny łancužok ad ziemlarobstva, ahratechniki, žyviołahadoŭli da charčovaj pierapracoŭki, upakoŭki i zachoŭvańnia praduktaŭ charčavańnia. U Biełaruskim ahrapramysłovym tydni prymajuć udzieł 680 pradpryjemstvaŭ i firm z 18 krain śvietu. Biełaruś pradstaŭlajuć 508 pradpryjemstvaŭ. U ahrapramysłovym forumie taksama prymajuć udzieł 41 pradpryjemstva z Rasii (6 pracentaŭ), 28 firm z Hiermanii (4 pracenty), 25 firm z Polščy (3,7 pracenta), 15 pradpryjemstvaŭ z Italii (2 pracenty) i h.d.
«Biełahra» — samy bujny vystavačny prajekt hoda ŭ Biełarusi. Na vystavie možna pabačyć i navat pasiadzieć za rulom apošnich madelaŭ «Biełarusaŭ»-superhihantaŭ z abjomam ruchavika 8700, a taksama kambajnaŭ «Homsielmaš», «Džon Dzir», «Kłaas», usich traktaraŭ, jakija tolki vypuskajucca ŭ Eŭropie.
Najbolš pierśpiektyŭnyja raspracoŭki pradstaŭlajuć na kalektyŭnych stendach NDI ahrarnaha profilu Nacyjanalnaj akademii navuk Biełarusi, ajčynnych sielskahaspadarčych VNU.
Vystaŭki projduć adnačasova na dźviuch placoŭkach: vystavačnym kompleksie na praśpiekcie Mašerva, 14 (tutaka ekspanujecca technika) i ŭ futbolnym maniežy na praśpiekcie Mašerava, 20/2.
