Z "Knihi vodhukaŭ"

Hetym razam my publikujem niekalki vodhukaŭ čytačoŭ na materyjały «NN», jakija byli pakinutyja ŭ "Knizie vodhukaŭ" ŭ Internecie. *

***

Spadarstva, nie čakała ad vas takoha lapu. Artykuł pra piva: i pytańnie — niedalokaje i adkaz — adpaviedny. Nu što takoje «zachodnija hatunki» piva? Jakija heta hatunki — niamieckija, polskija, irlandzkija ci miascovych brovaraŭ z-pad Vašynhtonu??? Nu kolki možna karystacca hetaj saŭkovaj terminalohijaj?!!! U Japonii taksama piva jość...

Vadzimu Karcavu: dobra vałodajecie słenham, ale naahuł nie vałodajecie temaj. Siarod tych, kaho Vy nazyvajecie «lehkadumnymi palitykami», jość vielmi razumnyja ludzi. Vy b lepš vyvučyli i prapanavali čytačam ichnyja arhumenty razam sa svaimi, a čytač by sam raźbiraŭsia. Darečy, navukova dakazana, što ŭžyvańnie marychuany nie vypracoŭvaje zaležnaści i nie viadzie da ŭžyvańnia bolš mocnych narkotykaŭ. A što tyčna dehradacyi, dyk pahladzicie na tuju ž Halandyju. Dzie jany sa svajoj marychuanaj, i dzie Biełaruś — z napojem «Zahadka» i harełkaj...

Ira Kurapatkina

***

Nazirajecca vidavočny rehres vašaj hazety. Hety numar asabliva pusty. Asabliva litaraturnaja častka. Hrafaman Šnip, hrafaman Adamovič, hrafaman Hlobus. Apošni dapisaŭsia da biazhłuzdych vypadaŭ u bok Aleksijevič. Jon ličyć, što apisvać holenyja siekieli — heta dobra, a brać interviju ŭ ludziej — heta kiepska. Nu-nu. Heta niešta nakštałt taho, jak sadamlanin Tarlecki nazyvaje biełarusaŭ nieadukavanymi (ci niešta takoje) z-za taho, što im nie padabajucca jaho vyčvareńni. Chaj pryhadaje lepiej los Sadomu i Hamory.

Staś Manukian

***

Pavažany spadar Paŭłoŭski. Mianie vielmi ździviła, što stały aŭtar «NN» moža napisać takuju łuchtu, jak: «Biełaruś u składzie VKŁ». Poŭny nazoŭ: Vialikaje Kniastva Litoŭskaje, Ruskaje i Žamojckaje, dzie Litva (Biełaruś) staić na pieršym miescy. Ciapier pahladzicie na mapu i rastłumačcie čytaču, jakim čynam Maskovija mahła «ŭvieś čas vajavać z Polščaj», nia majučy ź joj ahulnaj miažy. Druhaja sprava, što Maskovija ŭvieś čas vajavała ź Litvoju, a taksama i z Polščaj, jakuju Litva była vymušanaja klikać na dapamohu. Prašu prabačeńnia za sarkazm, ale vy drukujecie heta ŭ «Našaj Nivie».

Źmicier Levit

***

Niešta vy Paźniaka nia lubicia. Zra. Charošy čałaviek.

Čytač

***

Volha Karatkievič, čamu «pa-mahiloŭskI», a nie «pa-mahiloŭskU»?

Pavał Rževuski

***

Ci planuje «Naša Niva» nadrukavać uryŭki ź «Dziadoŭ» Adama Mickieviča? Daŭno maryŭ pačytać!

Vitaŭt Korč

***

Vaša hazeta dobraja, ale, mnie zdajecca, nadta mnoha kultury. Bolš infarmacyi treba, kab hazeta była cikaviejšaj.

Kryžak

***

Sp. Paŭłoŭski, z atrybucyjaj novych słovaŭ — akuratniej, kali łaska. Słova ŁUKAŠYZM užyvałasia raniej, čym Šarecki pasvaryŭsia z Łukašom. Sp-nia Roŭda, dzie i kali vy čuli, kab anhłamoŭniki movili «shorTSi»? Rasiejskaja fanetyka biełaruskim pravapisam — vynik za 10 000 milaŭ ad aryhinału. Šanoŭnyja Našaniŭščyki, biełaruskaja brudnaja bializna — najśmiardziučaja ŭ śviecie, našto jaje ciahnuć u hazetu?

A.Parań

 *  Pišycie, moža j vas nadrukujuć.