Listy ŭ redakcyju

 Listy ŭ redakcyju

«Słuchaj svajo»!

U minułym numary «NN» u majoj natatcy «Čyrykańni ŭ efiry» z techničnych pryčynaŭ było pamyłkova ŭžyta słova «smarkačy» ŭ dačynieńni da viadučych radyjo «Stalica». Chaču paviedamić, što ja vielmi prychilna staŭlusia da hetaj radyjostancyi. U mianie vyklikaje pavahu toje, što moładź, jakaja tam pracuje, praciahvaje rabić biełaruskija pieradačy. Mnie nie padabajecca tolki toje, što jany, jak mnie zdajecca, zašmat pierajmajuć maskoŭskija radyjohałasy. Čym zajmajucca i rasiejskija radyjostancyi Miensku.

Siarhiej Astraŭcoŭ

Soramna, KCHP!

Pračytaŭ u piatnicu na sajcie radyjo «Svaboda», što ŭsie abjadnanyja niezaležnickija partyi razam źbirajucca pačać śviatočnaje šeście z płoščy Jakuba Kołasa, a voś KCHPBNF — u inšym miescy choča zładzić asobnaje šeście. Nu, usio my ŭ Biełarusi bačyli, ale kab takoje... Tolki liberał-demakraty, pamiataju, u 1997 hodzie asobnuju demanstracyju ładzili. Ale kab Paźniakovy ludzi... Dyj što taja KCHP zmoža zładzić? Jak na apošnija Dziady — i nie źbiaruć nikoha, i charastva nijakaha nia budzie, tak, hrupaŭščyna adna. Zatoje narod dezaryjentujuć: ludzi nia buduć viedać, kudy iści, ci to siudy, ci to tudy, dyk uvohule nikudy nia pojduć. Ja dumaju, tym šerym kardynałam, što ciapier absieli Paźniaka, taho j treba. Ale prykra za intelihiencyju, jakuju jany durać u svajoj partyi: na «Svabodzie» hetuju ideju raskołu šeścia na dva adstojvaŭ, naprykład, Valery Bujvał, jaki niekali dla Vašaj hazety pisaŭ. Niaŭžo hetych trymaje ŭ KCHP prosta asabistaja ambicyja?

Dobra, kab jany admovilisia ad biazhłuzdaj idei dvuch šeściaŭ na Dzień Voli, a kali chočuć pasprabavać svaje siły i vyvieści svaich prychilnikaŭ na demanstracyju samastojna, dyk chaj zrobiać heta ŭ niejki inšy, nie śviatočny dzień. Kali ž buduć dalej zajmacca raskołam, značyć, sapraŭdy jasna stanie, skul u ich nohi rastuć.

Ihar Sałaviej, <[email protected]>

Zajzdrošču Čačenii

Ja nienavidžu rasiejcaŭ i zajzdrošču Čačenii. Nia viedaju dakładna, kali heta pačałosia. Zaraz heta ŭva mnie siadzić kryvavym komam, jaki patrabuje vyjścia. A vychad adzin — dziejničać, bo słova ŭžo nia dziejničaje, bo jano peŭna tolki ŭ Boha.

Ja žančyna, architektar pa draŭlanym dojlidztvie. Ja lublu drevy i ŭsio toje, što robiać ruki čałaviečyja ŭ zhodzie z pryrodaj i dazvołam Božym. Źniščyć les i zhvałcić narod — heta toje samaje.

Kali mianie schapili ŭ Kurapatach, na tamtyja Dziady, pasadzili ŭ kameru na Pryłuckaj, na nastupny dzień čatyry hadziny vazili nieviadoma dzie ŭ specšafie biaz vokan pad huki «čisto ruskich» radyjo «Alfa» ci to «Biej». Mianie hvałtavali maralna — u pastarunku, kali raspranuli dahała, apisvajučy maje rečy, u sudzie, kali sudździa nijak nia moh zrazumieć, što za miesiac taki, u jakim ja naradziłasia — studzień. Kožny dzień hvałtujuć u transparcie, kali kryviać rasiejskimi nasami na pytańni ci adkaz pa-biełarusku. Učora pryludna staraja rasiejka zhvałciła našu žančynu, jakaja zastupała joj darohu ŭ tralejbusie.

— Ponajechali, dierievnia, žiźni ot vas niet.

A naša tolki cichieńka joj adkazvała — «prabačcie, kali łaska, ja chutka vyjdu». Tak i vyjšła sa słovami — «prabačcie, kali łaska». A taja, staraja — «dierievnia! ałkoholička!». I ja nia zdoleła raskvasić joj nos! Jany, rasiejcy, zhvałcili našych dziaciej, jakija ciapier saromiacca «dierievienskaj» movy, movy svaich baćkoŭ. Zhvałcili ŭsich biełaruskich žančyn, samych pryhožych u śviecie i samych pracazdolnych. Zhvałcili našych mužykoŭ, samych łahodnych u śviecie, što tyja nia mohuć abaranić svaich žančynaŭ. Abrazili movu! Źniščyli kulturu i historyju. Žyvuju krynicu pieraŭtvaryli ŭ krinicu. Jany, rasiejcy, zhvałcili našy imiony i proźviščy, nazvy haradoŭ i viosak.

Kali Boh zrobić śpis usiaho zhvałčanaha i źniščanaha na majoj Radzimie? Ja viedaju, chto takija rasiejcy, i tamu ja viedaju, što robicca ŭ Čačenii, i ja joj zajzdrošču.

T.Sudziłoŭskaja, Miensk

Cieniam Viktara Šnipa

Skončyŭ adzin sabaka duchoŭnuju seminaryju i staŭ Hraždanam.
Adzin sabaka lubiŭ brachać. I staŭ prezydentam.
Adzin Hraždan uvajšoŭ uva ŭrad, a tam sabaki.
Prapaŭ sabaka. Hraždan.

S.P.