Pajechaŭ u Kitaj
biełaruski futbalist Piatro Kačura
...«Pio-jota-ar Kaču-ura-a! Oe-oe-oo-o!» — takija pieśni zavodzili fanaty, kali forvard «Dynama» trapna «mačyŭ» pa varotach jakoha-niebudź «Dniapra». Uzryvaŭsia matam zapoŭnieny hałoŭny stadyjon krainy, kali Piatro davaŭ pudła, hulajučy za zbornuju... Usio heta było, ale ŭžo pačynaje zabyvacca. Maładoje pakaleńnie dynamikaŭ-skinčykaŭ užo j nia pamiataje ŭ balšyni svajoj forvarda Kačury. Ale na hetym tydni niečakanaja navina prymusiła futbolnuju hramadzkaść znoŭ zahavaryć pra Piatra.
Hałoŭnaha trenera anhielskaha klubu «Šefiłd Junajted», vidać, prykiłbasiła vydatkoŭvać hrošy na ramont łavak dla zapasnych, jakija apošnim časam nastojliva prasiedžvaŭ biełaruski lehijaner. Koŭč, pamazhavaŭšy krychu nad losam Pitera, vyrašyŭ addać taho ŭ arendu klubu «Stakport». Ale chutka biełarusu arhanizavali kankretnaje zapadło: brytanskija ŭłady nie dali našamu suajčyńniku pracoŭnaj vizy, pierakreśliŭšy i «Stakport». Forvard viarnuŭsia b ŭ rodnuju Biełaruś, ale... niejki kitajski selekcyjaner pasvataŭ biełarusa ŭ Kitaj. Na trenirovačnym sparynhu «Čendu Vuniu» — tak nazyvajecca klub, što vyjaviŭ cikavaść da biełarusa — Kačura zabiŭ dva miačy. Kitajcy chucieńka sunuli jamu ŭ ruki kantrakt.
«Čendu Vuniu» zapłaciŭ «Šefiłdu» za Kačuru 125 tysiačaŭ funtaŭ. Kantrakt abaviazvaje biełarusa vystupać za klub z horadu Čendu na praciahu čempijanatu. Pažadajem Piatru, kab jon svajoj bliskučaj hulnioj prymusiŭ tamtejšych zaŭziataraŭ hladzieć na siabie, šyroka raspluščyŭšy svaje kitajskija vočy.
Bohuś Bijatlanionak
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1313
Kamientary