№ 17 (174), 24 — 30 krasavika 2000 h.
pazytyvy
Pamienieła piśmieńnikaŭ z narodu
Adnym z praduktaŭ dziejnaści dziaržaŭnaha arhanizmu jość «prosty» albo «mały» čałaviek. Hetaja istota nia tolki zaležyć ad ułady, ale ščyra imkniecca addać joj što maha bolej svaich pravoŭ i abaviazkaŭ, spadziavańniaŭ i ślozaŭ.
Ramantyki i idealisty pa darozie na barykady i ešafoty sa ździŭleńniem i nianaviściu pazirajuć na pabytovuju mituśniu prostych małych ludziej. Daremna ździŭlajucca.
Što zrobiš, kali hetkim čynam śviet naš uładkavany. Jość mizernyja ludzi. I da plabiejaŭ moža pryličyć siabie kožny, chto pryznaje isnavańnie patrycyjaŭ. Ale ž niama małych pakutaŭ i ludzkich biedaŭ, što nia vartyja ŭvahi. Kali adzin zmahajecca za praŭdu i vieru, tysiačy zdabyvajuć kavałak chleba svaim dzieciam. Deman vajny i lubovi nikoli nie ŭkładzie zbroi ŭ ichnyja ruki.
Heta zusim nie paetyčna. Ale ž i tyja, što ŭvieś čas razmaŭlajuć prozaj, nie žaleznyja. Nia zdolnyja zmahacca i kryčać, jany skardziacca, rajać, prapanujuć.
U našaj krainie źbirajuć, razhladajuć, sartujuć i ŭličvajuć hetuju pisaninu šmatlikija dziaržaŭnyja ŭstanovy. Najmahutniejšaja ź ich, biezumoŭna, «Upraŭleńnie pa rabocie sa zvarotami hramadzianaŭ Administracyi Prezydenta Respubliki Biełaruś». U infarmacyjnym biuleteni pamianionaj Administracyi vaš karespandent znajšoŭ vielmi cikavyja ličby.
Nikoli b nie pavieryŭ, kab sam nie paličyŭ: tolki ŭ Nacyjanalny schod, Administracyju Prezydenta, centralny aparat Kamitetu dziaržaŭnaha kantrolu i Saviet Ministraŭ źviarnuŭsia za 1999 hod kožny 230 hramadzianin Biełarusi.
Asnoŭnyja spadziavańni, biezumoŭna na Abrańnika — 68% zvarotaŭ, potym na jahonych pilnych kantraloraŭ — 11%, potym na jahonych viernych deputataŭ — 10%, potym na jahonych uvišnych ministraŭ — 9% i narešcie na jahony Saviet Respubliki — 2%.
Kali ž ličby zvarotaŭ pa abłaściach paraŭnać z ulikam nasielnictva pavodle apošniaha pierapisu, atrymlivajecca niejkaje separatysckaje vidovišča: prychilnaść zachodnikaŭ da kantaktaŭ z načalstvam zanadta małaja. Asabliva kali paraŭnać ź ichnaj zdolnaściu ŭładkoŭvacca ŭ žyćci.
Zvaroty hramadzianaŭ u najvyšejšyja orhany dziaržaŭnaj ułady kiravańnia ŭ 1999 h. pa abłaściach
Zvarotaŭ u raźliku na 100 tys.žycharoŭ Bieraściejskaja 262
Haradzienskaja 266
Viciebskaja 320
Mahiloŭskaja 419
Mienskaja 420
Homielskaja 433
Miensk 666
A ciapier pazytyŭ. Proci 1998 hodu kolkaść zvarotaŭ skaraciłasia na 925. Albo žyć nam stała lepiej, albo... Nia ŭsiakaja nadzieja pamiraje apošniaj, raz my jašče žyvyja.
Michał Zaleski
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads12
Kamientary