P.S.
Vasilu Ja. ź Miensku. Vy pišacie, što niechta prystojny musiŭ by stvaryć peŭny patryjatyčny ruch. Heta zanadta ahulnaje pažadańnie. Ź inšaha boku, sytuacyja ŭ krainie, vierahodna, užo nia taja, što była 10 hadoŭ nazad, kali byŭ mahčymy ŭsichny ramantyčny paryŭ. Kolišnija ruchi pieratvarylisia ŭ partyi i imknucca da prafesijnaje palityki. Nakolki heta im udajecca — inšaja sprava. Ale majem toje, što majem. Jašče adzin narodny front hetaksama abjektyŭna adrazu pieratvaryŭsia b u partyju.
Ździsłavu S. ź Miensku. Cikavy artykuł, ale, na žal, nie pa-hazetnamu napisany. Nam prydałosia b razhornutaje reziume z samymi jaskravymi prykładami. A ŭ takim vyhladzie treba addavać u navukovy časopis.
Biarnardu P. z Bujkoŭ na Miadzielščynie. Budziem čakać ad Vas dopisaŭ i pra Ašmianskuju turmu, i pra Čechasłavaččynu, i prosta pra žyćcio-byćcio. U rynha z zadavalnieńniem zhulali b, dy času brakuje.
A.Čyžu. Dumka zajmalnaja — dla dobraha artykułu, ale vykładzienaja amal jak proza, i padajecca ci nie jak replika. Nia błytajcie žanraŭ, pišecie zrazumieła dla ŭsich, a nia tolki dla siabie.
V.Ž.-B. ź Miensku. Niejak Vy ŭsie padziei da kučy sabrali, a tołkam ničoha novaha nie paviedamili. Choć by bolš padrabiazna pra tyja doty ŭzdoŭž miažy abo pra tyja biełaruskija vioski, spalenyja litoŭcami. Aproč taho, u tekście jość prykryja pamyłki (Astrožski zamiest Astroŭskaha, šaŭlisty zamiest šaŭlisoŭ), niedapuščalnyja ŭ histaryčnym artykule.
S.M. ź Bieraścia. Škada, što Vy ni słovam nie napisali pra biełaruskich skinheads. Biaz hetaha dopis niapoŭny.
Aŭtaru z Vaŭkavysku. List atrymali.
Paŭłu S. ź Miensku. Vaša «Pamyłka», mabyć, dobra nadałasia b dla batlejki. Ale drukavać heta jak apaviadańnie — značyć, zbłytvać žanry i dezaryjentavać čytača.
Śviatłanie Ja. ź Miensku. Hałoŭnaja rysa dasłanych abrazkoŭ — heta Vašaja zavarožanaść stvareńniem litaratury. Heta dobra dla pačatku, ale treba dumać jašče j pra «tavarnaść» taho, što Vy pišacie i prapanujecie «spažyvać» inšym. Varta bolej čytać i daskanalić svaju movu (u šyrokim sensie słova). Z dasłanaha zavieršanym siužetam vyłučajecca abrazok «Novy koler». Moh by atrymacca i «Śmiaciar», kali b vy, da prykładu, dali vytrymki z taje navukovaje pracy.
Siarhieju Ju. ź Miensku. Hety teatraznaŭčy artykuł z padrabiaznym apisańniem spektaklu nadaŭsia b u jaki specyjalizavany časopis.
Apanasu C. z Horadni. Napačatku «pierastrojki» jaćviahi sprabavali byli adradzicca, dy štości nia vyjšła. Vaš artykuł nia ŭličvaje taho dośviedu i raniejšych publikacyjaŭ na hetuju temu. Tamu jon atrymaŭsia i zaahulny, i niekankretny (da prykładu, jakija ž słovy ŭ biełaruskaj movie — jaćviaskija i čamu?), a hałoŭnaje — nia robić vysnovaŭ i nia stavić zadačaŭ. Kali ž vy imknulisia zrabić paznavalny tekst, musili b najpierš zhadać najvažniejšych svaich papiarednikaŭ i nie pierakazvać taho, što ŭžo apisali jany.
Alenie Š.-Ł. ź Miensku. Vieršami ź niadaŭniaha času zajmajecca Viktar Šnip, ale pamyłku dapuściŭ toj, chto heta rabiŭ da jaho.
Rusłanu R. z Baranavičaŭ. Kali chočacie pieravychoŭvać milicyjantaŭ, dyk apaviadańnie dla hetaha — nie najlepšy žanr. Kali ž chočacie ich zastrašyć — «NN» nie najlepšaje miesca. Uvohule proza nie nadajecca na toje, kab «źmianiać žyćcio». Inakš jana paprostu nie atrymlivajecca jak proza.
