Pa vynikach pasiedžańnia ŭ Ženevie Biełaruś iznoŭ uniesienaja ŭ specparahraf Mižnarodnaj kanferencyi pracy.
Pa vynikach pasiedžańnia ŭ Ženevie Biełaruś iznoŭ uniesienaja ŭ specparahraf Mižnarodnaj kanferencyi pracy.
Biełaruś uniesiena ŭ śpiecyjalny parahraf dakłada Mižnarodnaj kanfierencyi pracy. Pra heta BiełaPAN paviedamiła vykanaŭčy dyrektar Mižnarodnaj arhanizacyi pracy (MAP) Karen Kiorcis.
Hetaje rašeńnie, padkreśliła jana, aznačaje, što situacyja z pravami prafsajuzaŭ u Biełarusi źjaŭlajecca «adnym z tych surjoznych vypadkaŭ, jakomu MAP pavinna nadavać pilnuju ŭvahu».
Pavodle słoŭ K.Kiorcis, 8 červienia padčas abmierkavańnia situacyi z pravami niezaležnych prafsajuzaŭ u Biełarusi na pasiadžeńni kamiteta pa prymianieńni kanviencyj i rekamiendacyj MAP hrupa najmalnikaŭ i hrupa pracoŭnych prapanavali ŭnieści krainu ŭ śpiecparahraf dakłada Mižnarodnaj kanfierencyi pracy. «Padčas pasiadžeńnia rašeńnie było ŭchvalena i pryniata», — skazała K.Kiorcis.
Pradstaŭnik MAP zaznačyła, što Biełaruś užo ŭ piaty raz traplaje ŭ śpiecparahraf. «Biełaruski ŭrad pavinien surjozna pracavać dla vykanańnia rekamiendacyj MAP», — padkreśliła K.Kiorcis.
Nahadajem, 21 červienia ŭstupaje ŭ siłu rašeńnie Savieta Jeŭrasajuza ab vyklučeńni Biełarusi z Hienieralnaj sistemy prefierencyj u suviazi z parušeńniem pravoŭ pracoŭnych i prafsajuzaŭ. Admiena hetaha rašeńnia ES źviazvajecca z vykanańniem biełaruskim uradam rekamiendacyj MAP pa ŭstaranieńni parušeńniaŭ pravoŭ prafsajuzaŭ.
Daviedka BiełaPAN. Mižnarodnaja kanfierencyja pracy — hłabalny forum, jaki štohod pravodzicca MAP. Dziaržavy — členy MAP pradstaŭleny na im trochbakovymi delehacyjami ŭ składzie pradstaŭnikoŭ urada, najmalnikaŭ i prafsajuzaŭ.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary