№ 09 (218), 26 lutaha — 5 sakavika 2001 h.
Jakija vybary bieź Zianona?
18 lutaha ŭ Miensku adbyłasia Sojmavaja kanferencyja Kanservatyŭna-Chryścijanskaj Partyi BNF, jakaja zaklikała Zianona Paźniaka vystavić svaju kandydaturu na prezydenckich vybarach. KCHP ličyć, što Paźniak zdolny sabrać da 35% hałasoŭ. “Heta taja asoba, jakaja moža harantavać i budzie adstojvać nacyjanalnyja intaresy Biełarusi”, — kaža Juraś Bieleńki. Na što staršynia centravybarkamu Lidzija Jarmošyna padčas sustrečy z žurnalistami zajaviła, što Paźniak nia moža balatavacca na pasadu prezydenta, bo nie pražyŭ na terytoryi Biełarusi dziesiaci hod niepasredna pierad vybarami – a heta, nibyta, nieabchodnaja ŭmova dla kandydata.
My źviarnulisia pa kamentar da aktyvista KCHP BNF Alesia Čacholskaha. Pavodle jahonych słovaŭ, zajava Jarmošynaj – nia bolš čym pryvatnaja dumka hramadzianki. “Zrešty, jana sama skazała padčas sustrečy – heta, maŭlaŭ, jaje “tearetyčnyja” mierkavańni, a aficyjnaje tłumačeńnie moža dać tolki centravybarkam u poŭnym składzie, kali “źbiarecca j vyvučyć abstaviny”. Vystaŭlać svaju kandydaturu ci nie – Paźniak vyrašyć sam. Adnak inicyjatyŭnaja hrupa dla zboru podpisaŭ budzie stvoranaja ŭ lubym vypadku, niezaležna ad taho, dzie znachodzicca Zianon. Na pytańnie, ci vierniecca Paźniak na radzimu, sp.Čacholski adkazaŭ, što heta adbudziecca tolki ŭ tym vypadku, kali demakratyčny blok damožacca mižnarodnych harantyjaŭ biaśpieki Paźniaka. “Nu, jakija ž vybary bieź Zianona?” — skazaŭ Aleś Čacholski.
Kamentujučy słovy Paźniaka pra toje, što ŭ chutkim časie na palityčnaj scenie moža znoŭ źjavicca Viktar Hančar, Čacholski adznačyŭ, što Paźniak maje palityčnaje čućcio dy stratehičnaje bačańnie sytuacyi i spasłaŭsia na artykuł Zianona “Čort u tabakiercy”. “Mahčyma, Staršynia maje niejkija źviestki pra los Hančara”, — skazaŭ Aleś Čacholski.
Aleś Kudrycki
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary