Pad sudom niepadsudnyja
Nivodnaja ŭłada nia lubić, kali jaje sudziać. Rasiejskaja ŭłada ŭvohule zvykłasia być niepadsudnaju. Ale adkazvać za złačynstvy ŭ Čačenii pryjdziecca
Na dumku rasiejskaha vajennaha čynavienstva, za bambardavańni Čačenii možna atrymlivać medali dy novyja zorački na pahony. Z punktu hledžańnia rasiejskaha zakanadaŭstva, za toje samaje možna sieści ŭ turmu na niemały termin. Bambardavańni padpadajuć pad dziejańnie artykułu 167 KK RF (“naŭmysnaje źniščeńnie (ci paškodžańnie) čužoje majomaści”) dy artykułu 105 (“naŭmysnaje zabojstva 2-ch ci bolej asobaŭ ahulnaniebiaśpiečnym čynam”).
Pieršym padaŭ u sud na rasiejskaje Ministerstva abarony Abduła Chamzajeŭ. Hety daśviedčany advakat vinavacić dziaržavu ŭ tym, što padčas bambardavańniaŭ Urus-Martanu 19 vieraśnia 2000 h. było razburana 40 damoŭ (u tym liku jahony), zabityja 6, paranienyja 15 žycharoŭ, — i patrabuje poŭnaje kampensacyi.
Minabarony mahło b paźbiehnuć skandału, zajaviŭšy, što damy razburanyja “dziela skrajniaj nieabchodnaści” dy spłaciŭšy tuju kampensacyju, ale jano vyrašyła zrabić vyhlad, što bambardavańniaŭ nie było ŭvohule. Bomby kidali, maŭlaŭ, nie bližej za 2—3 kilametry ad nasielenych punktaŭ, a vypadkova ŭ horad jany trapić nie mahli dziakujučy “systemam vyviedki”. Arhumenty prosta śmiechu vartyja — davieści, što rasiejcy bambardavali horad, možna elementarna: usie jahonyja žychary — śviedki hetaha. Kali j sapraŭdy byŭ zahad bambić “akuratna”, dyk sudzić treba pilotaŭ, jakija kidali bomby na horad sa svajho žadańnia. Kali ž takoha zahadu nie było, dyk Minabarony padmanvaje śledztva — novy pazoŭ harantavany.
Zrešty, nia budzie dzivam, kali sud vyrašyć, što Minabarony nie razburała Urus-Martanu. Jak pałkoŭnik Budanaŭ nie hvałtavaŭ dy nie zabivaŭ 18-hadovaj Elzy Kunhajevaj. Arhumenty budanaŭskaje abarony hetkija ž nikčemnyja, jak i va Ŭrus-Martanaŭskim pracesie. I ŭsio ž nia vyklučana, što Chamzajevu daviadziecca šukać praŭdy tolki ŭ eŭrapiejskim sudzie, u Strasburhu.
Aleś Kudrycki
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ4
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary