Paštovaja skrynka
Mikałaju Ł-amu ź Miensku. Fakty, pryviedzienyja Vami, vymahajuć dadatkovaha žurnalisckaha razboru. Źviarniciesia ŭ redakcyju, kali łaska.
Mikałaju Je. z Homielu. Nia možam dać adras ksiandza Kulaševiča, bo pryvatnych adrasoŭ hazeta nie paviedamlaje. Napišecie ŭ “Novuju hazietu Smarhoni” (vuł.Tankistaŭ, Smarhoń, Haradzienskaja vobł., 231000) z paznakaj “dla a.Kulaševiča”. List jamu pieradaduć.
Piotru M. ź Miensku. Jak ža ž my budziem śviatkavać dzień karanacyi Vitaŭta Vialikaha, kali jaje nie było? Ale ŭ razvahach pra hodnaje ŭšanavańnie pamiaci słavutych synoŭ i dačok Biełarusi Vy majecie racyju.
Arciomu A. ź Viciebsku. Z “Tuzinam čortavych kapytoŭ” jašče treba pracavać. Ideja — fajnaja. Šlifujcie.
Viktaru K. ź Miensku. Pavodle źviestak sacyjolahaŭ, za minuły hod sumarnaja aŭdytoryja hazety paboleła ŭ 1,7 razu. Drabnapanskuju fanaberyju nielha błytać z arystakratyzmam. Što da Łavełas, Chataba j Lebiedzia, dyk “i jon — čałaviek, i jana — čałaviek”, pierafrazujučy kolišniuju dumku Staršyni BNR. “Uvažlivaść”, jak Vy jaje razumiejecie, dasiahajecca pry najaŭnaści finansaŭ. A što da finansavych mahčymaściaŭ hazety, dyk jany nievialikija. Adnak nia ŭ ich naša siła!
Michasiu R. ź Miensku. Pra Lo Pena nia pišam, bo jon nia varty vialikaje ŭvahi. Heta niby pra Žyrynoŭskaha pisać. Jany ni šancaŭ nia majuć, ni perspektyvy. Ich raźdźmuli, kab ludziej pałochać.
Vituni P. z Kastrycy. Vaš vierš čužym nie zrazumieły. Asabliva psuje jaho padletkavy pohlad na baćkoŭ. Za inšaje — dziakuj.
Źmitru Š. ź Miensku. “Varta pačakać” — sezonnaja štučka. Dla hazety padychodzić, ale musić palažać da vosieni. Pišecie jašče.
Chłapcu t-tu. Nia možam drukavać takich listoŭ biaz podpisu.
Mikołu Ž. z Pružanaŭ. Vaš list pierasłali načalniku stancyi “Miensk-Pasažyrski” z prośbaj adkazać pa sutnaści.
Hańnie M. z Kojdanava. Parazumiejemsia.
Viktaru Ł. z Voršy. Artykuł napisany adstaroniena, jak dla encyklapedyi. Varta pašukać śviedkaŭ padziejaŭ, pra jakija Vy raspaviadajecie, dy raspytacca. Žyvyja śviedčańni jaho ŭratavali b.
Uładziu T. z Voršy. Niešta z karykatur pastavim, kali paŭtorycca ichny palityčny kantekst.
Maratu H. ź Miensku. Kniha “Gloria Patria” nie pradajecca, tamu nia maje nijakaj patreby ŭ bravurnych recenzijach. Dyj nia ŭ našym heta styli.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary