Archiŭ

Naviny haspadarskija

№ 20 (282), 31 traŭnia 2002 h.


Naviny haspadarskija

 

SIAREDNI ZAROBAK u krasaviku skłaŭ 100,4 dalara. Siaredni bankaŭski słužboviec atrymaŭ u minułym miesiacy kala 191,7 dalara, strachavy ahient — 143,6, navukoviec — 119,5, pramysłoviec — 114, nastaŭnik — 88,2, kulturnik — 78, kałhaśnik — 54,5.

PUCIOŬKA Ŭ SANATORYJ uletku budzie kaštavać ad 300 da 500 tys. rubloŭ. Toj, chto atrymlivaje jaje ad dziaržavy, musić spłacić, u zaležnaści ad dachodaŭ, ad 10 da 90% sabiekoštu (letaś było ad 10 da 30%). Za sezon pa dziaržaŭnych pucioŭkach adpačnuć 58 tys. darosłych i 514 tys. dziaciej.

KAMERCYJNYJA LEKAVYJA ŠAPIKI źniknuć ź dziaržaŭnych bolnicaŭ i paliklinikaŭ Miensku da 1 červienia. Štohod kamersanty płacili za arendu paŭmiljona dalaraŭ. A jašče Ministerstva achovy zdaroŭja pastanaviła lačyć niavostryja straŭnikavyja chvaroby nia ŭ bolnicach, a ŭ chatnich umovach — bo niama hrošaj.

192 DZIARŽAŬNYJA PRADPRYJEMSTVY maje akcyjanavać sioleta ŭrad. U śpis trapili mienski “Haryzont”, “Mahiloŭtransmaš”, Bieraściejski elektralampavy zavod, Homielski zavod elektraaparatury.

REJS ŁARNAKA—KIŠYNIOŬ—MIENSK źjaviŭsia, dziakujučy kiprskaj avijakampanii “Aertrans”. Samaloty hetym maršrutam buduć lotać dvojčy na tydzień.

ČEKAVAJA PRYVATYZACYJA praciahniecca da 2005 h. Adnačasova na 17% (da 3,5 tys. rubloŭ) pabolšaje naminalny košt adnaho čeku “Majomaść”. Dahetul hramadzianie Biełarusi pamianiali na akcyi pradpryjemstvaŭ tolki 64% svaich čekaŭ.

NA 5,2% PAMIENŠAŬ impart biełaruskich tavaraŭ u studzieni-krasaviku ŭ paraŭnańni z takim samym letašnim peryjadam, a ekspart vyras na 2,2%. Ahułam tavaraŭ pradali na 1696,4 młn. dalaraŭ, a kupili na 1816,5 młn. Stanoŭčy balans u handli Biełaruś maje z Łatvijaj, Polščaj, Litvoj, Vialikabrytanijaj, Halandyjaj i Kitajem, a admoŭny — z Rasiejaj, Niamieččynaj, Ukrainaj, Italijaj, Francyjaj i ZŠA.

500 BIEŁARUSKICH AŬTOBUSAŬ kupić Maskva. Zrobiać ich na MAZie.

SKASAVAĆ ČASTKU LHOTAŬ na prajezd choča Ministerstva transpartu. Ciapier ilhotami karystajucca 65% pasažyraŭ. Straty ad hetaha letaś skłali 50 młn. dalaraŭ.

ASOBNYJA PRAJAZNYJA na metro i naziemny transpart uviaduć u Miensku z 1 lipienia. Bo kambinavanyja paśviedčańni mnohija siamiejniki dzielać pa častkach: adzin karystajecca “papiarovym” kvitkom dla aŭtobusa, tralejbusa ci tramvaja, a druhi — plastykavaj kartkaj dla metro.

PAZABIUDŽETNY FOND źjavicca ŭ Miensku. Tudy buduć źbirać liški z haradzkoha biudžetu, dachody ad miascovych pazykaŭ, aŭkcyjonaŭ, vystavaŭ i kancertaŭ. Vydatkoŭvać “pazabiudžetnyja” hrošy najpierš majuć škołam, bolnicam i kamunalnym słužbam.

ZAPAZYČANAŚĆ pradpryjemstvaŭ za elektryčnaść z pačatku hodu pabolšała na čverć. Ahułam jana skłała 450 młn. dalaraŭ. Zbolšaha nie płaciać kałhasy i kamunalniki. Enerhietyki sioleta adklučali elektryčnaść 21 tys. pradpryjemstvaŭ — heta ŭ 1,7 raza bolej, čym za taki samy peryjad letaś.

S.I.


Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Žurnalist Ihar Karniej raskazaŭ pra zdymki dla prapahandysckaha filma i niečakanuju sustreču ź Dziarždepam padčas źniavoleńnia

Žurnalist Ihar Karniej raskazaŭ pra zdymki dla prapahandysckaha filma i niečakanuju sustreču ź Dziarždepam padčas źniavoleńnia

Usie naviny →
Usie naviny

«Vielmi padobna na Biełaruś». Jak žyvuć rełakanty ŭ Bałharyi5

Idealny finał. Pahladzieli treci siezon «Hulni ŭ kalmara»

Były viazień ździviŭ Cichanoŭskaha — jany siadzieli ŭ susiednich kamierach2

Suničnyja kłubnicy, pieršyja čarnicy, maładaja bulba, niektary i nie tolki. Što pradajecca na Kamaroŭcy ŭ vychodnyja

Śpiecsłužby sprabujuć skraści akaŭnty biełarusaŭ, prapanujučy pahladzieć strym sustrečy ź Cichanoŭskim

Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim39

Cichanoŭski raskazaŭ, što praciahvaje stračvać vahu9

Na Paleśsi zafiksavali tarnada

Na mitynh u Vilni pryjšoŭ pravakatar Śviatasłaŭ, jaki staŭ skandavać Cichanoŭskim «Hańba»

bolš čytanych navin
bolš łajkanych navin

Žurnalist Ihar Karniej raskazaŭ pra zdymki dla prapahandysckaha filma i niečakanuju sustreču ź Dziarždepam padčas źniavoleńnia

Žurnalist Ihar Karniej raskazaŭ pra zdymki dla prapahandysckaha filma i niečakanuju sustreču ź Dziarždepam padčas źniavoleńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić