“Słaŭnaftu” čakaje pryvatyzacyja
Rasiejskija akcyi biełaruska-rasiejskaj naftavaj kampanii “Słaŭnafta” buduć pradadzienyja. Hetuju infarmacyju paćvierdzili va ŭradzie Rasiei.
Heta apošniaja z bujnych naftavych kampanijaŭ Rasiei, što naležała dziaržavie. Rasiejski ŭrad mieŭ u joj 74,95% akcyjaŭ na ahulnuju sumu nia mienš za 1,3 młrd. dalaraŭ. Hetyja hrošy majuć dapamahčy Kramlu vypłacić pazyki zachodnim kredytoram u 2003 h. Naleta Rasieja musić vypłacić 17,3 młrd. dalaraŭ pa zamiežnaj zapazyčanaści (10,8 młrd. — asnoŭnaja zapazyčanaść, astatniaje — narosłyja pracenty). Miž tym, biudžetnych hrošaj chapaje tolki na pracenty.
Prajekt prodažu ŭžo ŭzhodnieny pamiž Ministerstvami dziaržmajomaści i enerhietyki dy Rasiejskim fondam federalnaj majomaści.
Asnoŭnymi pretendentami na akcyi “Słaŭnafty” vyjavilisia kampanija “Sibnafta” (Raman Abramovič i Aleh Dzierypaska) i “Mižprambank” (Siarhiej Puhačoŭ). Praŭda, pišuć rasiejskija analityki, hrošaj na pakupku ŭsiaho pakietu akcyjaŭ nie nabiare nivodzin z pretendentaŭ.
Jašče adna rasiejskaja naftavaja kampanija, “TNK”, užo maje svaju dolu ŭ “Słaŭnafcie”. U jaje taksama jość apetyt na kantrolny pakiet i niama hrošaj. Tamu jana, vierahodna, dałučycca da adnaho z nazvanych vyšej pretendentaŭ abo “Jukasu”.
U Biełarusi zastajecca mienšasny pakiet na 10,8 % akcyj. Vierahodnaść udziełu biełaruskaha boku ŭ handli rasiejskimi analitykami navat nie razhladajecca.
A.Š.
