A.Kazulin na Kastryčnickaj płoščy daŭ Radyjo Svaboda interviju, u jakim, siarod inšaha, skazaŭ: "Ja mahu skazać, što tyja, chto vyjšaŭ na płošču – heta hieroi novaha času. Heta tyja hieroi, u jakich haračyja sercy, čystyja dušy i śvietłyja namiery. Jany zmahajucca za svaju svabodu, za budučyniu Biełarusi".
(Viadoŭca: ) "Što prymušaje Vas unačy być na płoščy?"
(Kazulin: ) "Jość taki paniatak jak sumleńnie biełaruskaha naroda. Hetaje sumleńnie nia tolki pryviało siudy 6 ci 7 tysiač čałaviek, ale i na praciahu ŭsioj nočy niedzie paŭtary tysiačy čałaviek stajali pobač adzin z adnym. I samy hałoŭny lozunh byŭ: "Kali my adzinyja, my – niepieramožnyja. Za svabodnuju Biełaruś". Treba skazać, što navat tyja złyja dziadźki, jakija nazyvajucca supracoŭnikami SOBRa, jakija mieli nia samyja lepšyja namiery, vymušany byli źmirycca z hetym mahutnym sapraŭdnym uzdymam, jaki adbyŭsia ŭ hetuju noč".
(Viadoŭca: ) "Adrazu paśla vybaraŭ Vy skazali, što vystupajecie za pierapadlik hałasoŭ. Tolki što Milinkievič skazaŭ, što jon vystupaje za novyja vybary. Ci ŭzhodnienaja Vašaja pazycyja?"
(Kazulin: ) "Viedajecie, my zaŭždy śledujem lohicy. Spačatku my patrabavali pieraliku hałasoŭ, ale ŭłada na pierapadlik nikoli nia pojdzie. Naturalna, što my zaraz patrabujem novyja vybary. My zajavili, što adbytyja padziei adpaviadajuć aznačeńniu antykanstytucyjny pieravarot, i my patrabujem viartańnia Biełarusi ŭ pravavoje, kanstytucyjnaje pole – pravieści vybary ŭ adłpaviednaści z Kanstytucyjaj respubliki Biełaruś 16 lipienia 2006 h. Hetaje patrabavańnie ŭžo ciapier padtrymaŭ i dziarždepartament ZŠA, i Eŭraźviaz. Tamu my ŭpeŭnienyja, što eŭrapiejskaja i mižnarodnaja salidarnaść dapamoža nam damahčysia našych patrabavańniaŭ".
(Viadoŭca: ) "Jak Vy staviciesia da prapanovy Paźniaka stvaryć kansultacyjny ŭrad z kandydatami, inšymi liderami apazycyi?"
(Kazulin: ) "Ja dumaju, što naahuł heta narmalova, bo naturalna, pavinien być pierachodny ŭrad, jaki zmoža spakojna, narmalova harantavać pierajemnaść ułady i pierachod ułady mirnym šlacham".
(Viadoŭca: ) "Jak Vy adkažacie tym, što śćviardžajuć, što apazycyja prajhrała vybary?"
(Kazulin: ) "Tyja ličby, jakija nazvaŭ Łukašenka, śviedčać ab tym, što ŭ nas u krainie prajšli nia vybary, a vybary prezydenta Łukašenki. Siońnia ŭsim vidavočna, što jon tak i nia zmoh uźniacca da prezydenckaha ŭzroŭniu myśleńnia. Jon pa raniejšamu prademanstravaŭ, što jon jak i byŭ darektaram savieckaha saŭhasu, tak im i zastaŭsia. Zirnicie na ličby, jakija ahučany: 93% jaŭki, jak u "lepšyja" savieckija časy. 83% padtrymki. Navat tyja, u kaho byli sumnievy nakont taho, što vybary mohuć być sfalsyfikavanyja, paśla ahučvańnia hetych ličbaŭ, apošnija sumnievy źnikli. Apazycyju krytykujuć – ale kali joj dajuć 2, 3, 5%, dyk vidavočna, što aprača hameryčnaha rohatu heta nia vykliča. Tamu kali my kažam ab padliku hałasoŭ – ja prasiŭ naziralnikaŭ, kab jany pry ŭskryćci skryniaŭ abaviazkova prysutničali i padličyi tam biuleteni. Adnak nivodnaha naziralnika nie dłapuścili da ŭskryćcia skryniaŭ. Ich nie dapuścili da stałoŭ bližej čym na 20 metraŭ. Tamu kazać ab tym, što niechta ličyŭ hałasy, nie vypadaje. Łukašenka vielmi hramatna skarystaŭ viadomy vyraz Stalina: nia važna, jak hałasujuć, a važna, jak ličać".
(Viadoŭca: ) "Ci zachavajecca štab A.Kazulina jak kandydata?"
(Kazulin: ) "Kaniešnie. U nas pracujuć siońnia 2 roŭnaznačnyja siły. Užo pryznana, što ŭ Biełarusi isnuje 2 nacyjanalnych lidera, Kazulin i Milinkievič, i my viadziem razam pracu dla taho, kab źmianić sytuacyju ŭ Biełarusi".
(Viadoŭca: ) "Vas abrali vice-prezydentam Eŭrazijskaj asacyjacyi universytetaŭ. ŠTo heta zŭa praca, dzie bazujecca vašaje pracoŭnaje miesca i ci źbirajeciesia Vy prystupać da hetaj pracy?"
(Kazulin: ) "Reč u tym, što ja byŭ abrany na źjeździe, ale znachoziŭsia na hramadzkaj pasadzie. Kali ŭbačyli, što mnie ŭ Biełarusi jak prafesijanału niama miesca, to mianie zaličyli jak namieśnika staršyni vykankamu hetaj surjoznaj arhanizacyi. U joj kala 150 ŭniversytetaŭ z postsavieckaj prastory. Hetaja praca nie vymahaje stałaj prysutnaści ŭ Maskvie, tut treba ŭzajemadziejańnie na postsavieckaj prastory. My pakazvajem, što kali prafesijanały nie patrebnyja ŭ Biełarusi, to prafesijanały patrebny i ŭ Rasiei, i ŭ Eŭropie".
(Viadoŭca: ) "Łukašenka zajaviŭ, što maładym ludziam na płoščy zapłacili pa 20 tysiačaŭ rubloŭ. Što Vy bačycie ŭ ludziach i jakija Vašyja ŭražańni ad nastrojaŭ?"
(Kazulin: ) "Ja mahu skazać, što tyja, chto vyjšaŭ na płošču – heta hieroi novaha času. Heta tyja hieroi, u jakich haračyja sercy, čystyja dušy i śvietłyja namiery. Jany zmahajucca za svaju svabodu, za budučyniu Biełarusi".
