Vidoviščy rečaisnaści na telekanałach.
Žycharka Biełarusi na niežyłym vostravie ŭ Paŭdniova-Kitajskim mory - hučyć niezvyčajna.
Kali ž uličyć, što heta nie kaštavała joj šalonych hrošaj, a naadvarot - vabić niebłahim prybytkam, sytuacyja robicca jašče cikaviejšaj. Jak užo zrazumieŭ čytač, takoje moža zdarycca tolki na telebačańni. A dakładniej - u rasiejskaj prahramie "Apošni hieroj" na kanale ANT, kudy j trapiła biełaruska Ksienia.
Šoŭ nabyvali j nabyvajuć samyja roznyja formy. Kali raniej usio było adnosna biasškodna i abmiažoŭvałasia nazirańniem za žyćciom jakojści siamji, što zhadziłasia na taki eksperyment, dyk apošnim časam prahramy stanoviacca bolš raznastajnyja. Adzin z apošnich prajektaŭ telekanału "Fox" - "Temptation Is-land" ("Vostraŭ spakusaŭ"), dzie praviarajucca pačućci maładych ludziej. Vybranyja dla ŭdziełu ŭ pieradačy pary raździalajuć, dziaŭčynu sielać u abstalavany lahier razam z 13 pryhožymi mocnymi mužčynami, a chłopca, adpaviedna, pakidajuć sam-nasam z 13 pieknymi dziaŭčatami. Kali kahości ź ich udasca spakusić - hulnia prajhranaja. Pieradača vyklikała šyroki rezanans i pratesty, a niekatoryja kampanii navat admovilisia stavić reklamu ŭ "supiarečlivaje j ahidnaje" šoŭ. Čamu hetyja pieradačy takija papularnyja?
Na rozum adrazu prychodziać dźvie pryčyny: hrošy j słava. Mienavita hrošy
prymušajuć ludziej jeści žukoŭ albo davać nyrca ŭ akijan. Prykładam, pieramožca amerykanskaj prahramy "Survivor" ("Acaleły") atrymlivaje miljon dalaraŭ. Imknieńnie da viadomaści taksama adyhryvaje niemałuju rolu. Ale nichto nia moža dać harantyju, što imiony hierojaŭ "reality show" nia buduć zabytyja praz hod ci dva.
Kali matyvacyja ŭdzielnikaŭ bolš-mienš paddajecca racyjanalnamu tłumačeńniu, dyk pryčyny, ź jakich miljony hledačoŭ va ŭsim śviecie nie adryvajucca ad ekranu padčas takich pieradačaŭ, lažać našmat hłybiej. Žadańnie padhledzieć žyćcio inšych, pryŭźniać zasłon čužych tajamnicaŭ isnuje ŭ padśviadomaści čałavieka. Ideja stać Vialikim Bratam, jaki z vyšyni naziraje za svaimi padnačalenymi, apanavała rozumy hledačoŭ. Zamiest siamiejnaj viačery ci siabroŭskaj razmovy ludzi addajuć pieravahu telebačańniu, jakoje tran-śluje toje samaje "realnaje žyćcio". I časam hledačy sami nie razumiejuć, u jakim śviecie žyvuć. Ale ŭ sapraŭdnaści panuje niepieramožny zakon: kali čahości zašmat, jano pierastaje być zapatrabavanym. I moža nadyści čas, kali toje, što raniej vyklikała šalonuju cikavaść, budzie ŭsprymacca jak
zvyčajnaja rucina. A pakul režysery žyćciaŭ udała vykarystoŭvajuć momant i
prapanujuć svaim hledačam novyja j novyja varyjanty zadavalnieńnia ichnaj
patreby ŭ padhladańni. Praŭda, šukać nastupnyja abałonki im ro-bicca ŭsio ciažej.
Jan Macur
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary