Mierkavańni44

Niekalki kvietak da mahiły piśmieńnika

Nie pierastaješ ździŭlacca, nakolki blizka žyćcio pastaviła dźvie hetyja daty — dzień naradžeńnia Vasila Bykava i dzień śmierci. Data 22 červienia, viadoma, tut maje jašče j dadatkovy symbaličny sens.

Nie pierastaješ ździŭlacca, nakolki blizka žyćcio pastaviła dźvie hetyja daty — dzień naradžeńnia Vasila Bykava i dzień śmierci. Data 22 červienia, viadoma, tut maje jašče j dadatkovy symbaličny sens. Piśmieńnik prajšoŭ praz usiu vajnu. I hałoŭnyja tvory jaho — pra jaje.

Čatyry dni j čatyry hady — sioleta hetyja ličby supali. Pra što jany nam havorać?

Čatyry hady — termin, jak byccam, nie taki vialiki. Ale zdajecca, što minuła ŭžo cełaja epocha. Adčuvaješ, što žyviem užo navat nie biaz Bykava — paśla Bykava.

Heta ŭ minułuju epochu za trunoj piśmieńnika jšli tysiačy ludziej. Zdavałasia — usia Biełaruś. Tak tolki zdavałasia. Z kožnym hodam da kamienia na mahile Bykava (paśmiarotny padarunak Finskaha PEN‑centru) prychodzić usio mieniej ludziej. Praŭda, moładzi siarod ich pa‑raniejšamu paraŭnalna šmat (i heta nia moža nia radavać).

Pačućcio straty ź ciaham času prytuplajecca. Žyćcio, jak kažuć u takich vypadkach, praciahvajecca. Ničoha, jak byccam, kardynalna nie źmianiłasia. Ale čamuści ŭparta lezie ŭ hałavu dziŭnavataja dumka: a što było b, kali b Bykaŭ dahetul zastavaŭsia z nami?

Niaŭžo kiraŭnik «alternatyŭnaha» Sajuzu piśmieńnikaŭ Čarhiniec, jaki svaim farmalnym prychodam u litaraturu abaviazany Bykavu, pavodziŭ by siabie hetaksama nachabna, jak zaraz? Niaŭžo aficyjnaja prapahanda praciahvała b manić, što ŭ Sajuzie biełaruskich piśmieńnikaŭ nie zastałosia nivodnaha bujnoha piśmieńnika sučasnaści, nivodnaha suśvietnaha jmia? Ci moža, kali b Bykaŭ byŭ žyvy, krychu prysaromielisia b? Nie paśmieli b adbirać Dom litaratara ŭ litarataraŭ i majomaść Litfondu ŭ starejšaj tvorčaj arhanizacyi? A moža, i hałoŭny kiraŭnik pierastaŭ by ź ciaham času havaryć pra vieršy Bykava…

Chto viedaje? Niemahčyma hety eksperyment u dumkach pravieryć na praktycy. Zastajecca žyć dniom siońniašnim, ale pamiatajučy pra minułaje, pra ŭsio lepšaje, źviazanaje ź im. Zachoŭvajučy hodnaść.

Alaksandar Milinkievič, zakłapočany spravaj rehistracyi ruchu «Za svabodu», znajšoŭ čas ušanavać pamiać klasyka ŭ jaho na radzimie — ŭ Byčkach. Tym samym čarhovy raz paznačyŭšy kirunak hetaha ruchu. Prynamsi, tak chaciełasia b dumać.

U Miensku na Ŭschodnija mohiłki da Bykava pryjšli ŭ dzień narodzinaŭ klasyka ŭdava Iryna, niekalki starych piśmieńnikaŭ, jahonych siabroŭ. Siarod ich — Hienadź Buraŭkin, Anatol Viarcinski, Valancin Taras. Pryjšoŭ pasoł Izraila Ziejeŭ Bien‑Arje, jaki niadaŭna pierakłaŭ apaviadańnie Bykava na iŭryt.

A jašče byli dva čałavieki ŭ cyvilnym ź videakamerami.

Padumałasia — chaj zdymajuć. Usio zastajecca ŭ historyi nazaŭsiody. My žyviem paśla Bykava. Ale jon pakul jašče z nami.

A. Ułasaŭ, hazeta «Svaboda»

***

22 červienia a 18‑j hadzinie na Maskoŭskich mohiłkach u Miensku projdzie hramadzianskaja žałobnaja akcyja z nahody čaćviortaj hadaviny śmierci narodnaha piśmieńnika Biełarusi Vasila Bykava.

Arhkamitet partyi «Biełaruskaja chryścijanskaja demakratyja», ruch «Za Svabodu», Sajuz biełaruskich piśmieńnikaŭ, Tavarystva biełaruskaj movy, Zhurtavańnie biełarusaŭ śvietu «Baćkaŭščyna» zaprašaje ŭsich dałučycca da akcyi šanavańnia pamiaci vialikaha čałavieka i słavutaha piśmieńnika.

Radyjo Racyja

Kamientary4

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Usie naviny →
Usie naviny

«Voś ubačycie. Praź niekalki tydniaŭ ci dzion». Namioki Łukašenki pra niejkija kroki vyrazali z tekstavaj viersii jaho pramovy14

«Ni ŭ jakim razie ja nie rabiŭ zajavy». Kiełah źniapraŭdziŭ słovy Łukašenki11

Kupiŭ budynak pad restaran za 262 tysiačy rubloŭ. Ciapier učastak chočuć zabrać, kab pabudavać tam… restaran5

«Tym, chto nastalhuje pa saŭku, spadabajecca». Błohier pieranačavaŭ u najhoršych hatelach Biełarusi i padzialiŭsia ŭražańniami11

Prakopjeŭ: Źniźcie ŭzrovień čakańniaŭ. Ja nie baču nivodnaj abjektyŭnaj pryčyny, kab nastupała adliha14

Rasijanina zatrymali z 37 kiłahramami narkotykaŭ u Minsku2

Kudy biełarusy mohuć latać bieź vizy i bieź pierasadak?3

«Chtości ŭ kiraŭnictvie siłavikoŭ vyrašyŭ vyvieści Bialucina sa «spravy Aŭtuchoviča» i vykarystać inačaj»3

Zialenski padtrymaŭ Azierbajdžan u kanflikcie z Rasijaj2

bolš čytanych navin
bolš łajkanych navin

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Hałoŭnaje
Usie naviny →

Zaŭvaha:

 

 

 

 

Zakryć Paviedamić