Sapraŭdnuju kadravuju lichamanku źviedała ŭ apošnija hady Haradzienščyna. Paśla śmierci ŭ lutym 2001 h. kiraŭnika vobłaści Alaksandra Dubka jahonuju pasadu zaniaŭ Uładzimier Saŭčanka, što ad 1999 h. byŭ pieršym namieśnikam staršyni abłvykankamu.
Hałoŭnaje dasiahnieńnie Saŭčankavaha kiravańnia na Haradzienščynie za hod — vyniki “bitvy za ŭradžaj”. Uradžajnaść na Haradzienščynie była samaja vysokaja ŭ krainie, ale pa vałavym pakaźniku atrymanaha zbožža rehijon upieršyniu sastupiŭ susiedniaj Mienskaj vobłaści. Nie zabudziemsia, što ŭ Mienskaj vobłaści kudy bolšaja terytoryja.
Uschodniki abhaniajuć
U lutym 2002 h. pieršym namieśnikam staršyni Haradzienskaha abłvykankamu — staršyniom kamitetu pa sielskaj haspadarcy i charčavańni byŭ pryznačany Ivan Dančanka. Kłopatu ŭ jaho — ceły abiaremak. Pa vieličyni siaredniaha nadoju na karovu za 9 miesiacaŭ 2002 h. “u patylicu dychaje” taja ž Mienščyna (2309 kh suprać 2368 na Haradzienščynie). U śvinahadoŭli pa pakaźnikach za vierasień haradziencaŭ apiaredzili Homielskaja i Viciebskaja vobłaści. 114 pradpryjemstvaŭ sielskaj haspadarki (u vobłaści ich zvyš 300) u kryzysnym stanie.
Na składach zavozna
Taksama ź lutaha 2002 h. namieśnikam staršyni abłvykankamu pracuje Alaksandar Radzievič. Kiruje pramysłovym kompleksam, sferaj handlovaha i pobytavaha absłuhoŭvańnia, systemaj cenaŭtvareńnia, raźvićciom pradprymalnictva.
Abjom pramysłovaj vytvorčaści ŭ supastaŭnych cenach, u paraŭnańni sa studzieniem—vieraśniem 2001 h., sioleta pavialičyŭsia tolki na 0,1%. I heta pavodle kulhavaje aficyjnaje statystyki. Pramysłovyja pradpryjemstvy abłasnoha centru, Dziatłaŭskaha, Astravieckaha i Słonimskaha rajonaŭ nie dasiahnuli abjomaŭ vytvorčaści analahičnaha peryjadu minułaha hodu. Na 1 kastryčnika na składach zastałosia hatovaj pradukcyi na 90,7 młrd. rubloŭ, što składaje 64% u siaredniamiesiačnym abjomie vytvorčaści. Na adpaviednuju datu 2001 h. hety pakaźnik składaŭ 48,2%.
Treba niepapularnyja reformy
Kadry ŭ nas pa adukacyi i dośviedzie daloka nia horšyja. Ale ekanamičnaja sytuacyja ŭ krainie takaja, što navat hieraičnym ryŭkom namieśnika staršyni abłvykankamu spravu nie asiliš. Nieabchodnyja kardynalnyja i rašučyja, ale niepapularnyja ŭ narodzie reformy. Na taki mužny krok treba aśmielicca najvyšejšym kiraŭnikam krainy. A heta prablematyčna, bo možna stracić padtrymku vybarcaŭ u sakaviku 2003 h. Palityčny raźlik nie sastupaje darohi ekanamičnamu prahmatyzmu.
Anton Łabovič,
Horadnia
Kamientary