Novyja knihi, dasłanyja ŭ redakcyju

31 studzienia

Baravikova R. Viačera manekienaŭ: Apaviadańni. — Miensk: Mastackaja litaratura, 2002. — 186 s.

Kniha apaviadańniaŭ byłoj hałoŭnaj redaktarki časopisu «Alesia» j novaj hałoŭnaj redaktarki časopisu «Maładość» Raisy Baravikovaj napisanaja ŭ žanry psychalahičnaj fantastyki. U «Kniharni piśmieńnika» prydbać zbornik možna za 2700 rub.

Biaźlepkina A. Laŭša na tenisnym korcie: Apovieści i apaviadańni. — Miensk: Biełaruski knihazbor, 2002. — 352 s.

Aŭtarka hetaj hustoŭna aformlenaj knihi — studentka filalahičnaha fakultetu BDU. Piša jana lohkija dy zajmalnyja pa siužecie teksty, u tym liku j detektyŭnaha žanru. Hałoŭnaja hierainia źmieščanaj u zborniku apovieści «Ŭllana, abo Naradzi ŭ sabie hiejšu», taksama studentka fiłfaku j litaratarka-pačatkoŭka, zaŭvažyła: «Najvialikšaja mara — kab maje tvory čytali ŭ metro». Z takoha hledzišča kniha Aksany Biaźlepkinaj — biassprečna ŭdałaja. U kniharni «Viedy» cana vydańnia blizu 4000 rub. Nakład — 500 asobnikaŭ.

Harecki H. Vybranaje. — Miensk: Biełaruski knihazbor, 2002. — 544 s.: ił.

22-ja kniha z seryi «Biełaruski knihazbor» upieršyniu pad adnoju vokładkaju źbiraje navukovyja pracy, publicystyku, uspaminy dy epistalarnuju spadčynu dziejača nacyjanalnaha ruchu XX st., hieolaha, hieohrafa, ekanamista Haŭryły Hareckaha. U zborniku pieradrukoŭvajecca «Maskoŭska-biełaruski słoŭnik» bratoŭ Maksima i Haŭryły Hareckich, jaki pabačyŭ śviet u 1918 h. u Smalensku i ad taho času nie pieravydavaŭsia. Kniha źmiaščaje taksama ŭspaminy Haŭryły Hareckaha pra brata. U mienskich kniharniach vydańnie kaštuje kala 5500 rub.

Zarecki M. Kvietka pažoŭkłaja: Apaviadańni, apovieść / Układ. N.Siemaškievič. — Miensk: Mastackaja litaratura, 2002. — 431 s.

U knihu vybranych tvoraŭ adnaho z samych talenavitych biełaruskich prazaikaŭ 20—30-ch XX st., čyjo žyćcio abarvali stalinskija represii, uvajšli apaviadańni, a taksama da siońnia naležna nie acenienaja našym litaraturaznaŭstvam apovieść «Hoły źvier». Znajści vydańnie možna ŭ «Śvietačy», «Centralnaj kniharni», «Kniharni piśmieńnika». Cana — 4500 rub.

Ikanapis Zachodniaha Paleśsia ChVI—XIX st. — Miensk: Biełaruskaja navuka, 2002. — 349 s.: ił.

Bahata ilustravanaje vydańnie raspaviadaje pra farmavańnie ŭ Zachodnim Paleśsi samabytnaj ikanapisnaj škoły dy jaje hałoŭnyja mastackija adznaki. Materyjały dla knihi źbiralisia ciaham 25 hadoŭ: navukovyja ekspedycyi admysłova naviedali mnohija katalickija j pravasłaŭnyja chramy Paleśsia. Šukajcie ŭ «Centralnaj kniharni» j «Akademknizie».

Teatralnaja Biełaruś: Encyklapedyja: U 2 t. T. 1. — Miensk: BiełEn, 2002. — 568 s.: ił.

Hetaja encyklapedyja — pieršaje halinovaje navukova-daviedačnaje vydańnie pa teatralnym mastactvie Biełarusi: dramatyčnym, muzyčnym, lalečnym. Jana achoplivaje historyju biełaruskaha teatru ad staražytnaści da siońnia. Asobnyja artykuły pryśviačajucca samym značnym pastanoŭkam biełaruskich teatraŭ — pjesam, operam, baletam, aperetam. Nabyć encyklapedyju možna ŭ «Akademknizie» dy «Śvietačy». Cana — kala 13 tys. rubloŭ.

Pavialičyć

Aŭtary razhladajuć umovy palityčnaj i ŭzbrojenaj baraćby, što razhortvałasia ŭ Biełarusi ciaham 1919—25 h. — u vyznačalny dla stanaŭleńnia dziaržaŭnaści peryjad. U knizie šyroka pradstaŭlenyja źviestki pra idei roznych palityčnych partyjaŭ adnosna biełaruskaha dziaržavabudaŭnictva. Asobny raździeł pryśviačajecca antybalšavickim paŭstańniam. Nakład vydańnia — 200 as., cana ŭ «Akademknizie» — 3200 rub.

Padrychtavała Taciana Vabiščevič

• 0
• 0
• 0
• 0
• 0
• 0
• 0
• 0