NOVYJA KNIHI, DASŁANYJA Ŭ REDAKCYJU

21 LUTAHA

Vałachanovič A. Hrafy fon Huten Čapskija na Biełarusi. — Miensk, 2003. — 85 s.: ił.

Pradstaŭniki rodu fon Huten Čapskich, ad ChVIII st. stała žyvučy ŭ Biełarusi, istotna ŭpłyvali na našuju historyju j kulturu. Hetaja kniha — pieršaje manahrafičnaje daśledavańnie, pryśviečanaje słavutamu šlachieckamu rodu. Tut źmieščanyja radavodnyja źviestki, faktyčny j ilustracyjny materyjał, datyčny dziejnaści najbolš vybitnych asobaŭ z rodu Čapskich. Manahrafija raspaviadaje taksama pra historyju j sučasny stan majontku Čapskich u Stańkavie. U jakaści dadatku drukujucca lehiendy pra rod fon Huten Čapskich. Znajści vydańnie možna ŭ «Akademknizie», cana — blizu 3200 rubloŭ. Nakład — 110 asobnikaŭ.

Pavialičyć

Mnohija z tych, čyje proźviščy sabranyja ŭ daviedniku, mahli b zaniać pačesnaje miesca ŭ historyi nia tolki nacyjanalnaj, ale j suśvietnaj kultury. Hetaje vydańnie dazvalaje acanić maštaby vyniščeńnia biełaruskaj intelektualnaj elity. Daviednik śviedčyć, što represiŭnaja mašyna pracavała pry ŭsich uładach — carskaj, polskaj, fašystoŭskaj. Sapraŭdnaha svajho razhonu jana dasiahnuła pry savietach, kali «baraćba z klasavym dy idejnym voraham» pieratvaryłasia ŭ nacyjanalny hienacyd.

Pradmova akreślivaje historyju represijaŭ u Biełarusi, vyznačaje asnoŭnyja ich «chvali». Na kožnuju nazvanuju ŭ daviedniku persanaliju — a tolki litarataraŭ u savieckija časy było aryštavana bolej za 500 — padajucca karotkija historyka-bijahrafičnyja źviestki.

Zujonak S. Sonca ŭ kropli rasy: Ekalahičnyja nazirańni j zamaloŭki z dakumentalnymi fataśviedčańniami aŭtara / Mast. A.Makaŭcoŭ. — Miensk: Biełaruś, 2002. — 120 s.: ił.

Hety bahaty na fatazdymki «palavy dziońnik» raspaviadaje pra źviaroŭ dy ptušak, što nasialajuć terytoryju Biełarusi. Kniha stvoranaja ź luboŭju da pryrody j prasiaknutaja kłopatam pra los usiaho žyvoha. Prydbać vydańnie možna ŭ «Śvietačy», «Centralnaj kniharni», «Padpisnych vydańniach», «Akademknizie». Cana — blizu 3500 rubloŭ.

Ipatava V. Alhierdava dzida: Ramany. — Miensk: Biellitfond, 2002. — 608 s.

Histaryčnaja trylohija Volhi Ipatavaj składajecca z troch ramanaŭ — «Załataja žryca Ašvinaŭ», «Viaščun Hiedymina» dy «Alhierdava dzida». Padziei tvoraŭ razhortvajucca ŭ CHIII—CHIV st. — nadzvyčaj značny dla historyi Biełarusi peryjad, mała aśvietleny ŭ našaj mastackaj litaratury. Aŭtarka pa-svojmu asensoŭvaje losy słavutych pačynalnikaŭ Vialikaha Kniastva — Mindoŭha, Hiedymina dy Alhierda. Knihu adkryvaje pradmova Ŭładzimiera Konana. Kniha vyjšła ŭ seryi «Biełaruski histaryčny raman». Kaštuje kala 5500 rubloŭ.

Šyšyhina-Patockaja K. Niaśviž i Radziviły. — 2-je vyd. — Miensk: Połymia, 2002. — 240 s.

Niaśviž — svojeasablivaja kulturnaja stalica Vialikaha Kniastva, «maleńki Paryž», rezydencyja niekaranavanych karaloŭ Rečy Paspalitaj Radziviłaŭ. Historyja horadu achutanaja mnostvam tajamnicaŭ. Adčuć niepaŭtorny duch staražytnaha Niaśvižu, bližej paznajomicca z žyćciom jahonych znakamitych, a časam i dziŭnavatych uładaroŭ, daviedacca pra Radziviłaŭskija skarby j Čornuju Pannu dazvalaje praca Kłaŭdzii Šyšyhinaj-Patockaj. Hetaja nadzvyčaj źmiastoŭnaja kniha vytrymlivaje ŭžo druhoje vydańnie. Prydbać jaje možna ŭ bolšaści mienskich kniharniaŭ.

Jevroriemont dla Biełarusi: Biesiedy s Hrafom Aleksandrom Prušinskim. — Taronta—Varšava: AGA, B.h. — 76 s.: ił.

Hutarki z vyłučencam na kandydata ŭ prezydenty 1994 h. hrafam Alaksandram Prušynskim dazvalajuć šmatbakova acanić asobu j palityčna-sacyjalnyja pierakanańni hetaha čałavieka. Pryśviaciŭšy svaju knihu ŭsim, chto pracuje na karyść Biełarusi, hraf Prušynski prapanavaŭ ułasny šlach refarmavańnia krainy — svojeasablivy eŭraramont, jaki dazvolić pieratvaryć Biełaruś u «eŭrapiejski Hankonh».

Pavialičyć

Manahrafičnaje daśledavańnie Taciany Proćki, unikalnaje pa abjomie j adbory materyjałaŭ, raskryvaje fenomen savieckaha tatalitaryzmu na prykładzie biełaruskaj historyi. Funkcyjanavańnie adnapartyjnaj systemy j karnych orhanaŭ, dziaržaŭnaje kiravańnie ekanomikaj, mocny hramadzki presinh (pad ścipłym nazovam «idejna-palityčnaje vychavańnie»), skasavańnie sacyjalnych i asabistych svabodaŭ, u tym liku prava na nacyjanalnaje samavyznačeńnie — hetyja dy inšyja prajavy tatalitarnaha ładu razhladaje aŭtarka, pryciahnuŭšy bahaty faktyčny materyjał. Praca napisanaja pa-rasiejsku. Da taho ž prydbać jaje zmohuć daloka nia ŭsie: cana vydańnia ŭ «Akademknizie» — bolej za 27000 rubloŭ. Nakład — 3000 as.

Taciana Vabiščevič

• 0
• 0
• 0
• 0
• 0
• 0
• 0
• 0