Archiŭ

Premija niespadziavanaja i pačesnaja

Pramova hałoŭnaha redaktara «Našaj Nivy» na cyrymonii ŭručeńnia premii imia Hanny Elenbohien

Šanoŭnyja siabry!

Atrymać hetuju premiju — vialiki honar. Padvojny honar — atrymać jaje z ruk Vacłava Haŭła, čałavieka, jaki byŭ prykładam maralnych pavodzinaŭ dla tych ludziej, što adnavili vychad «Našaj Nivy», i miljonaŭ žycharoŭ Centralnaj i Ŭschodniaj Eŭropy.

Kali mnie pryjšło elektronnaje paviedamleńnie, što Vacłaŭ Havał, uznaharodžany Mižnarodnaj hramadzianskaj premijaj imia Hanny Elenbohien za 2003 hod, vyrašyŭ pieradać jaje «Našaj Nivie», ja spačatku nie pavieryŭ. U liście zamanliva prapanoŭvałasia: «Kali łaska, dajcie znać jak najchutčej, ci Vy zhodnyja atrymać hetuju premiju. Pryjechać u Prahu možna budzie paśla. Usie padrabiaznaści hladzicie ŭ dałučanym fajle».

Ja padumaŭ, što mnie pryjšoŭ čarhovy kamputarny virus, taki sabie persanalizavany, jaki moža razburyć moj kamputar. Ot chalera, padumaŭ sabie ja, da čaho ž asabisty ŭ ich padychod. I vydaliŭ hety list, nie adkryvajučy. Tolki na nastupny dzień, atrymaŭšy vinšavańni ad maich českich pryjacielaŭ, ja zrazumieŭ, što ŭsio heta surjozna, vielmi surjozna, i duža pryjemna.

Usio heta śmiešna, ale nakolki ž heta typova dla biełaruskaj sytuacyi. Biełarusy pačuvajucca zabytymi, jany nie čakajuć nijakaj dapamohi z Eŭropy. Staraja historyja, jakuju Miłan Kundera ŭ svoj čas nazvaŭ trahiedyjaj Centralnaj Eŭropy. Zmahajučysia za svaju kulturu, demakratyju i niezaležnaść, maje siabry miarkujuć, što jany zmahajucca za Eŭropu, i šmat chto ź ich hatovy addać svajo žyćcio za Biełaruś i Eŭropu. Miž tym Eŭropa paziraje na krainu-aŭtsajdera z amal nieprychavanaj abyjakavaściu.

Premija pieradajecca «Našaj Nivie», ale hetaja premija — usioj biełaruskaj niezaležnaj presie, isnym i začynienym hazetam i radyjo. Jana taksama jość daninaj pavahi ŭsiamu biełaruskamu nacyjanalnamu ruchu, takomu spoźnienamu i takomu vysakarodnamu, tak horača zakachanamu ŭ svabodu i ŭ Eŭropu.

U 1990-ja Biełaruś ustała pierad nieabchodnaściu pabudovy dziaržavy i nacyi, demakratyi i rynkavaj ekanomiki adnačasova. Zašmat vyklikaŭ dla takoj maładoj krainy, pieralakanaj Čarnobylem. U vyniku ŭ krainie ŭstalavałasia postsavieckaja aŭtakratyja.

Ja prymaju hetuju premiju jak prajavu viery ŭ Biełaruś, viery ŭ biełaruskuju demakratyčnuju apazycyju. Premija ŭručajecca ŭ momant, kali maju vieru, vieru maich siabroŭ, vieru inšych ludziej u Biełaruś i jaje svabodu vypraboŭvaje i, byvaje, łamaje ciažar sumnievaŭ, parazaŭ i paniavierki. Dziakuj vam za Vašu vieru, spadaru Havał.

Praha, 17 kastryčnika

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Cichanoŭski: Łukašenku treba sudzić pa łukašysckich zakonach, ale pasadzić na koł36

Cichanoŭski: Łukašenku treba sudzić pa łukašysckich zakonach, ale pasadzić na koł

Usie naviny →
Usie naviny

Ci možna sa svajoj ježaj u kino — jurystka patłumačyła na kankretnym prykładzie

Ukraina paśpiachova atakavała aeradrom Barysahlebsk pad Varoniežam

Pamior Andrej Barduchajeŭ-Aroł

Napadniku na Łatušku prysudzili 1400 jeŭra štrafu i departacyju10

Dapamohu vyzvalenamu bijołahu Siarhieju Šelehu sabrali za pałovu dnia5

Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova17

Adzin z najlepšych rasijskich futbalistaŭ Smołaŭ pabiŭsia ŭ kafe z tymi, chto abmiarkoŭvaŭ jaho VIDEA2

Paźniak asudziŭ Cichanoŭskaha: Siedziačy piać hadoŭ, možna było da biełaruskaj movy źviarnucca108

Čym adroźnivajecca bortnictva ad pčalarstva? I čamu vučylisia palaki ŭ biełaruskich bortnikaŭ1

bolš čytanych navin
bolš łajkanych navin

Cichanoŭski: Łukašenku treba sudzić pa łukašysckich zakonach, ale pasadzić na koł36

Cichanoŭski: Łukašenku treba sudzić pa łukašysckich zakonach, ale pasadzić na koł

Hałoŭnaje
Usie naviny →

Zaŭvaha:

 

 

 

 

Zakryć Paviedamić