Pakul u stalicy hrymieŭ čarhovy tur seminaru kiraŭnikoŭ «Kadry kiravańnia ŭ sučasnych umovach», pakul tam vyśviatlali, «jakim pavinien być kiraŭnik XXI st.» (budziem spadziavacca, što ŭ stahodździa budzie prynamsi niekalki kiraŭnikoŭ), u pracoŭnych kalektyvach abmiarkoŭvali prezydenckija słovy nakont medvyćviareźnikaŭ i ŁPP.
Kolki ž heta, maŭlaŭ, času daviadziecca ŭ vypadku prykraha zdareńnia zajmacca sielhasrabotami, kali ŭžo ciapier medvyćviareźnik biare za svaje pasłuhi kala 15000 rub. I ŭsie revalucyjnyja padziei ŭ Hruzii, što adbyvalisia ŭ tyja samyja dni, byli niazdolnyja kankuravać z hetaj temaj.
Tyja, chto nia bačyć siabie patencyjnym klijentam narkolaha, mieli nahodu zadumacca pra niečuvanaje raspaŭzańnie handlu alkaholnymi napojami, jakija apošnim časam źjaŭlajucca ŭ kramach, dzie ich, miakka kažučy, nie čakaješ. U kožnym praduktovym mahazynie pryłavak «ad zialonaha źmieja» na samym pačesnym miescy, bujnyja ŭniversamy majuć niekalki. Navat u maleniečkaj chlebnaj kramie, dzie niama jak paviarnucca, butelki vabiać pakupnika la ŭvachodu, i na admysłovym miescy pobač z słodyčami dy minerałkaj, i prosta na kasie, dzie hramada kuplaje chleb i bułki: «Nie zabyŭ, tavaryš?!» Jak kazali ŭ tym filmie, my zrobim vam prapanovu, ad jakoj niemahčyma admovicca.
Poŭny varyjant artykułu hladzicie ŭ hazecie "Naša Niva".
Alaksandar Karolčyk
Kamientary