Pra heta ŭ intervju BiełaPAN paviedamiŭ ciapierašni pasoł Marcin Chiekier, jaki pakidaje Biełaruś u kancy hetaha tydnia.
H.Vajs płanuje prybyć u Minsk u siaredzinie lipienia.
Hiebchardt Vajs naradziŭsia ŭ 1946 hodzie. Z 1975 hoda pracuje ŭ Ministerstvie zamiežnych spraŭ Hiermanii. U 1995‑2000 hadach — načalnik adździeła pa pytańniach razzbrajeńnia i kantrolu nad uzbrajeńniami ŭ MZS i pasoł pa asablivych daručeńniach, adkazny za pieramovy pa Dahavory ab zvyčajnych uzbrojenych siłach u Jeŭropie. U 2000‑2004 hadach pracavaŭ pasłom FRH u Charvatyi. Z 2004 hoda — pasoł u Kazachstanie.
Marcin Chiekier pakinuŭ pa sabie pamiać jak čałaviek, jaki adkryta vykazvaŭ salidarnaść ź niezaležnym hramadztvam Biełarusi i dazvalaŭ sabie davoli rezkija vykazvańni na adras biełaruskaha ŭradu i aficyjnych ŚMI, takich jak BT.
Źviartaje ŭvahu, što ŭsie niamieckija dyplamaty, jakija apošnim časam traplajuć na pracu ŭ Biełaruś, — u pensijnym ci pieradpensijnym vieku. Tak było ŭ vypadkach Vika, Chajkiena, Chiekiera i voś ciapier Vajsa.
