Meł Hibsan, amerykanskaja kinazorka №1, uładalnik piaci «Oskaraŭ», baćka siamioch dziaciej, ščyry katalik, zrabiŭ film, jaki adny nazyvajuć «antysemickim», druhija — «zanadta žorstkim» i «naturalistyčnym», a trecija paprostu zachaplajucca ŭbačanym. U redakcyi «NN» adbyŭsia prahlad filmu.
Na zdymki «Pakutaŭ Chrystovych» režyser vydatkavaŭ ułasnyja 25 młn dalaraŭ. Film byŭ vyrableny na zasnavanaj im ža studyi «Icon Productions» (ad słova «icon» — «abraz»). Premjera była prymierkavanaja da pačatku Vialikaha Postu i adbyłasia 25 lutaha ŭ Papiałcovuju sieradu. Tolki za pieršy dzień prakatu film sabraŭ 20 młn dalaraŭ. «Pakuty» ŭ ZŠA i Kanadzie ŭžo sabrali kala 300 młn dalaraŭ, pahladzieli ich kala 30 młn čałaviek. U Polščy, jak čakajecca, jany źbiaruć da troch miljonaŭ hledačoŭ. Heta ŭdvaja mieniej, čym apošniaja versija «Ahniom i miačom», ale — pośpiech šalony.
Nie apošniuju rolu ŭ pramocyi adyhrała fraza «voś tak usio j było», nibyta pramoŭlenaja Papam paśla prahladu. Jaje rastyražavali ŚMI, pakul Vatykan paśpieŭ dać abviaržeńnie. Papa nie kamentuje filmaŭ, jakija hladzić.
I ŭsio ž pryvatnuju aŭdyjencyju vykanaŭcu roli Chrysta Jan Pavał II daŭ, a Prefekt Kanhrehacyi ŭ spravach duchavienstva kardynał Ojas paraiŭ kožnamu katalickamu śviataru pahladzieć film Hibsana.
Stužka pakazvaje apošnija 12 hadzinaŭ ziamnoha žyćcia Isusa. Dvanaccać hadzinaŭ ad Hiefsimanii da Kalvaryi. Chrysta syhraŭ amerykaniec Džym Kievizeł, jakomu na momant pačatku zdymkaŭ jakraz spoŭniłasia 33 hady. Rumyna-vuhorskaja habrejka Maja Morhienštern stvaraje amal ikanapisny evanhielski vobraz Maci Božaj. Maryja Mahdalena — franka-italjanskaja seks-dyva Monika Belučy. Apostał Jan — baŭharyn Chrysta Žyŭkaŭ. Šatana-spakušalnika syhrała dačka Adryjana Čelentana Razalinda. Cikava raskryty vobraz Judy: jahonaja biezabaronnaść pierad małymi dziećmi paśla zdrady, čarvivy trup viarbluda, viaroŭka, suk…
Poŭny varyjant artykułu hladzicie ŭ hazecie "Naša Niva".
Andrej Skurko, Mikoła Arciuchoŭ, Rusłan Raviaka
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii60
Kamientary