Nadoječy ŭ Siecivie źjaviłasia staronka z admysłovym źmiestam — jaje stvaralniki vystupajuć ad imia biełaruskich jaŭrejaŭ, nazyvajučy siabie «jaŭrejskimi skinchiedami».
Źmiest zajaŭ hetych «antyfašystaŭ», jakija nibyta znachodziacca ŭ chaŭrusie ź «liberalnaj apazycyjaj», zvodzicca da zaklikaŭ imitavać pahromy, rujnavać mohiłki dy inš., kab zvalić vinu na ŭłady — maŭlaŭ, Tałmud «dazvalaje nam hetak rabić». Biełaruskaja mova abjaŭlajecca… antysemickaj, a da jaŭrejaŭ zaličvajucca Budny, Skaryna, Ciotka, Jakub Kołas. U kožnym varjactvie jość svaja lohika — staražytnyja mohiłki dy synahohi nasamreč razburajucca z sankcyi peŭnych słužbovych asobaŭ, pra što «NN» nieadnakroć pisała. Im, napeŭna, i vyhadna pierakłaści vinu na «admarozkaŭ».
Mahu zaśviedčyć, što nijakaha ruchu «radykalnaj jaŭrejskaj moładzi» ŭ Biełarusi niama. Na žal, a mo j na ščaście, maje 15—30-hadovyja suplamieńniki cikaviacca chutčej darmavymi pajezdkami ŭ Izrail, čym losam Niamihi ci publikacyjaj «Vojny po zakonam podłosti», — praviaraŭ nia raz! Źjaŭleńnie pravakacyjnaha sajtu śviedčyć ab tym, što prychilniki lozunhu «padzialaj i ŭładar» nia śpiać u šapku, ekspluatujučy staryja judafobskija stereatypy, vydumlajučy ŭsio novyja štuki dy chitryki, kab nackavać jaŭrejaŭ na biełarusaŭ i vice versa.
Volf Rubinčyk, Miensk
Kamientary