Našy ŭłady pryzvyčailisia kantralavać usie masavyja mierapryjemstvy. Jany lezuć navat tudy, dzie ich umiašalnictva moža akazacca škodnym. U hetym vypadku havorka pojdzie pra festyval duchoŭnaj muzyki «Mahutny Boža», jaki ŭžo 12-y raz adbyŭsia ŭ Mahilovie.
Za hady isnavańnia festyval staŭsia viadomym daloka za miežami krainy. U feście — u konkursnaj prahramie i jak hości — udzielničali pradstaŭniki dzieviaci krainaŭ. Adnak usio ž šmat chto ličyć, što fest užo nia toj, što byŭ raniej. Škodzić śviatu, jakoje paśpieła palubicca mahiloŭcam, toj aficyjoz, ź jakim jaho imknucca pravodzić. Festu nadajuć šablonnuju formu. Kab nia hurt «Testimonium» z-pad Katavicaŭ (Polšča) i nie «Pałac», na vystupie jakoha «Zubr» vyviesiŭ bieł-čyrvona-bieły ściah, dyk i hladzieć nie było b na što. Estety siarod ulubionych kalektyvaŭ nazyvali jašče kapełu «Sanorus», ale ŭzrovień konkursnych kalektyvaŭ byŭ słabieniečki.
Kancerty pravodzilisia na roznych placoŭkach, nia tolki ŭ kaściole śv.Stanisłava. Tak pažadaŭ harvykankam. Raniej ža konkurs ładziŭsia tolki ŭ kaściole, dzie dobraja akustyka.
Siaržuk Hirkin, Mahiloŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary