Źviarnucca da vas prymusiŭ mianie nastupny vypadak, jaki, dumajecca, typovy dla siońniašniaha času. Ja pracuju ŭ medycynskaj ustanovie Miensku. Na čarhovaj polikliničnaj kanferencyi 8 kastryčnika hałoŭny doktar źviarnuŭsia da supracoŭnikaŭ z chvalujučaj pramovaj. Skazaŭ prykładna nastupnaje: «Ja ŭsich zaklikaju da ŭdziełu ŭ daterminovych vybarach u PPNS i ŭ respublikanskim referendumie. Paśla taho, jak vy daterminova prahałasujecie, vam na vybarčym učastku daduć papieru. Hety kvitok vy pavinny mnie asabista prynieści. Vaša daterminovaje hałasavańnie ja budu rasceńvać jak lajalnaść da hałoŭnaha doktara, i heta budzie ŭličana pry zaklučeńni kantraktu». Supracoŭniki krychu pahuli ŭ znak abureńnia, i kanferencyja praciahvałasia dalej.
Ja pišu hety list dla taho, kab padobnyja fakty prymusu z boku kiraŭnictva na supracoŭnikaŭ da ŭdziełu ŭ daterminovych vybarach mieli kankretnyja adrasy. Udzielničać u daterminovych vybarach ja nie źbirajusia.
Iryna Čatyrka, inbox.ru
P.S. Kali paśla pracoŭnaha dnia ja pryjšła dachaty, moj syn, vučań čaćviortaha klasu, skazaŭ, što nastaŭnica prasiła pieradać baćkam, kab jany pryjšli na vybarčyja ŭčastki… nie, nie 17 kastryčnika, a raniej…
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary