Kabzon suprać Skrypki

Prezydenckija vybary va Ŭkrainie padzialili muzyčnuju supolnaść na dźvie častki.

Zabaŭlalnyja mierapryjemstvy z udziełam zorak šoŭ-biznesu — tradycyjny atrybut luboj vybarčaj kampanii. Kali ŭ Biełarusi dazvalajuć kancerty tolki «za Biełaruś», to va Ŭkrainie muzykanty, niachaj i ź pieraškodami, mohuć zaśviedčyć svaju hramadzianskuju pazycyju. Ź vieraśnia pa ŭsioj krainie raspačalisia šyrokamaštabnyja tury ŭ padtrymku jak Janukoviča (pad lozunham «Moładź — suprać, moładź — za», «Vieru Janukoviču»), tak i Juščanki («Pieśni svabody», «Razam pieramožam»), jakija zvyčajna prachodziać na centralnych płoščach i ŭ vializnych spartkompleksach dy źbirajuć da 100 tysiač hledačoŭ.

Janukovič zrabiŭ staŭku na papularnych artystaŭ z Rasiei. Svojeasablivym muzyčnym kiraŭnikom pieradvybarnaj kampanii premjer-ministra vystupiŭ Iosif Kabzon. Jon zajaviŭ, što hrošaj u jaho bahata i kancerty «za Janukoviča» jon daje pa svaich idejnych pierakanańniach. Akramia jaho, Ukrainu pad hetym słohanam abjeździli stałyja ŭdzielniki «Słavianskaha bazaru» — Łalita, Nadzieja Babkina, Nataša Karalova, Kłara Novikava, Valery Mieładze. Z rasiejskich rok-hurtoŭ u ahitacyi za Janukoviča byŭ zaŭvažany «Splin».

Ukrainskija mehazorki Vierka Siardziučka i Rusłana ŭ ahitacyjnych turach zaŭvažany nie byli, adnak na adnym sa svaich solnych kancertaŭ pieramožca «Eŭrabačańnia-2004» śpieła razam ź Janukovičam saviecki šlahier «Kali viasna pryjdzie, nia viedaju», paśla čaho ŭźniałasia vialikaja chvala abureńnia, asabliva ŭ Lvovie, adkul Rusłana rodam. Tak što śpiavačcy pryjšłosia sklikać ekstranuju pres-kanferencyju, dzie jana zajaviła, što znachodzicca pa-za palitykaj, u ničyich ahitmierapryjemstvach udziełu brać nia budzie i navat pahraziła sudom abodvum kandydatam, kali tyja skarystajuć jejnaje imia ŭ svaich kampanijach.

Janukoviča taksama padtrymali pradstaŭniki estradnaj tusoŭki, jakija, pavodle vyrazu Aleha Skrypki, «i za Kučmu hrali, i za čortavu mamu buduć hrać». Heta Ani Łorak, Natalla Mahiloŭskaja, Viktar Paŭlik. Siarod bolš-mienš viadomych za miežami krainy — Iryna Biłyk, hrupa «Hryn Hrej» dy «Skrabin». Vystup na akcyjach «za Janukoviča» apošnich vyklikaŭ abureńnie va ŭkrainskich muzyčnych prychilnikaŭ. Miarkujučy pa paviedamleńniach na ŭkrainskich internet-forumach, lider hrupy Kuźma (toj samy, jaki praśpiavaŭ z Volskim pieśniu «Susiedzi») pazbaviŭsia častki svaich prychilnikaŭ: «Zarablańnie hrošaj na takich akcyjach — heta prodaž našaj dziaržavy…» — aburajecca stały prychilnik «Skrabina». Cikava, što ŭ haścioŭni na aficyjnym sajcie hrupy padobnyja paviedamleńni adrazu ž vydalajucca.

Poŭnaściu hety artykuł možna pračytać u papiarovaj i pdf-versii "Našaj Nivy"

Siarhiej Budkin

• 0
• 0
• 0
• 0
• 0
• 0
• 0
• 0