Pieršy biełaruski šachmatny kamputar zvaŭsia «Strateh», jaho raspracavaŭ Artur Biełavusienka na Mienskim zavodzie vyličalnaj techniki pry kancy 80-ch.
Važkaja skrynia, samavityja fihurki, jakija naležała pierastaŭlać tudy, dzie zapalicca śviatładyjod… Ciapier z hetym partneram hulajuć pieravažna dzieci-pačatkoŭcy — uzrovień 4-ha razradu dla siońniašnich amataraŭ małacikavy. Nieŭzabavie pa źjaŭleńni «Strateha» ŭ Biełaruś stali pastupać «prasunutyja» šachmatnyja pradukty z Zachadu. Pad kaniec 90-ch pabolšała ich i ŭ Siecivie.
Ludzi z pakaleńnia next zabaŭlajuć siabie sami, pišučy prahramki dla hulni ŭ šachmaty. Kamuści ŭdajecca pašyryć dalahlady j pavajavać z najmacniejšymi — «Frycam», «Džunijoram», «Šroderam»... Kahadzie zaviaršyłasia nieaficyjnaje pieršynstvo śvietu siarod kamputarnych prahram. Hetaja «piataja šachmatnaja vajna» prachodziła pa švajcarskaj systemie, u 11 turaŭ, z padlikam rejtynhaŭ — usio jak u ludziej. Raniej biełarusy nia brali ŭdziełu ŭ spabornictvach takoha ranhu. U pieršaj lizie — turniry «B» — prahrama Ŭładzimiera Jelina «Patriot 1.3.0» akazałasia čaćviortaj siarod paŭsotni analahaŭ.
Poŭnaściu hety artykuł možna pračytać u papiarovaj i pdf-versii "Našaj Nivy"
VR
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)