Milicyjanty pieraškodzili moładzi zładzić fłeš‑mob. Zatrymanyja dzieviać čałaviek.
Moładź mieła pry sabie raściažku, dziciačyja ekskavatar i rydloŭki. Planavałasia pabudavać ź piasku kolki damkoŭ, kab potym ich razburyć, symbalizujučy siońniašniuju «rekanstrukcyju».
Adnak umiašalisia milicyjanty. U vyniku byli zatrymanyja Aleś Zaleŭski, Franak Viačorka, Viktoryja Vołkava, Siarhiej Kulik, Alaksandar Miliniec, Vital Izotaŭ, Mikoła Žukoŭski. Za raspaŭsiud ulotak zatrymali Alenu Dyjaninu. Z atrymanych advieźli ŭ Leninski RUUS. Z usich uziali tłumačeńni. Pavodle Alesia Zaleŭskaha, jamu i Franaku Viačorku pryhrazili ŭtrymańniem pad vartaj da sudu, jaki moža adbycca zaŭtra.
Pa słovach A. Zaleŭskaha, staryja polskija bardziury i brukavanka, jakija budaŭniki abiacali viarnuć na staroje miesca, źnikli ŭ nieviadomym kirunku.
Ad 30 červienia ŭ Horadni ładzicca letnik «Haradzienskaja fartecyja». Jaho ŭdzielniki zajmajucca raspaŭsiudam infarmacyi pra chadu rekanstrukcyi Staroha horadu, dziažurać pobač z budynkami, zaplanavanymi pad znos. Arhanizatary letnika zaklikajuć moładź dałučacca: nie chapaje ludziej, kab achapić usie abjekty i adnačasova raspaŭsiudžvać infarmacyju. Aktyvizacyja pracaŭ u histaryčnym centry čakajecca paśla vychodnych.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram8
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary