Kancertu «Kramy», zaplanavanaha na 27 krasavika, nia budzie. Jaho zabaranili, jak i kancert «Nejra Dziubelu» try tydni tamu.
Na kancert 27-ha «Kramy» ŭ mienskim klubie «Reaktar» nakładziena tabu — paśla papiaredniaj zhody arhanizataram imprezy admovili ŭ jaje praviadzieńni. Upraŭleńnie kultury Mienharvykankamu nia vydała arhanizataram hastrolnaha paśviedčańnia biez tłumačeńnia pryčyn. «Dla mianie heta nie było niečakanaściu. Maralna da takoj chady padziej ja byŭ padrychtavany», — prakamentavaŭ navinu Ihar Varaškievič. Dyrektar hrupy Pavał Kašyryn kaža, što adbyłasia davoli dziŭnaja reč, bo jon nieadnarazova ŭzhadniaŭ pytańnie praviadzieńnia kancertu z kiraŭnictvam klubu. Ale zaścierahčysia nie ŭdałosia: «My byccam parazumielisia z «Reaktaram», navat reklama ŭ metro źjaviłasia…»
Udzielniki «Kramy» znachodziacca ciapier u tym ža stanie, što i muzyki z «Nejra Dziubelu» dva tydni tamu — kancert jakich taksama zabaranili.
Ihar Varaškievič z žalem žartuje: «Moža, nazvacca «Chronikami doktara Varaša»?» Varyjant z praviadzieńniem kancertu pad inšaj nazvaj taksama razhladaŭsia. Była navat ideja časova viarnuć raniejšuju nazvu hrupy — «Rokis», adnak užo kiraŭnictva klubu nie pajšło na heta. «Ja ich vydatna razumieju: ryzykavać im u takich umovach nie vypadaje», — havoryć P.Kašyryn.
Chadzili čutki, što kancert 27-ha budzie raźvitalnym dla «Kramy». Jak vyśvietliłasia, Varaškievič planavaŭ raźvitacca z staroj prahramaj i abviaścić novy etap u žyćci hrupy.
Padobna, što biełaruskaja rok-muzyka kamuści mocna zaminaje…
Kamientary