Kulturnicki nakirunak dziejnaści «Moładzi BNF» abviaściŭ pačatak akcyi pa zboru podpisaŭ pad zvarotam da ministraŭ infarmacyi j kultury Biełarusi z patrabavańniami spynić pieraśled niezaležnych muzykaŭ ( hurtoŭ NRM, Drum Jecstasy, Nejra Dziubiel, Pamidoroff, Krama, Pałac i inš.) pa palityčnych pohladach, cisk na kiraŭnictva kamiercyjnych radyjostancyjaŭ, jakim niehałosna zabaraniajecca vykarystoŭvać u etery kampazycyi šerahu biełaruskich hurtoŭ i volnych vykanaŭcaŭ, z prośbaju paćvierdzić abo asprečyć isnavańnie tak zvanaha «čornaha śpisu» z vyšej uzhadanych muzykaŭ, rastłumačyć sytuacyju z zabaronaj dziejnaści mienskaha klubu «Ariena».
Za pieršy miesiac pracy inicyjatyŭnaj hrupy sabrana blizu 100 podpisaŭ nieabyjakavych da stanu biełaruskamoŭnaj muzyki hramadzianaŭ respubliki.
Metaj akcyi źjaŭlajecca infarmavańnie žycharoŭ Biełarusi pra stanovišča, u jakim apynułasia bolšaja častka niezaležnych muzykaŭ, što faktyčna syjšli ŭ padpolle. Taksma inicyjatyŭnaja hrupa pasprabuje źviarnuć uvahu da isnujučaj prablemy vyšejšych abaviazanych asobaŭ kiraŭnictva dziaržavy.
Usich zacikaŭlenych zaklikajem dałučacca da hramadzianskaje kampanii praź sieciva svierb@gmail. com abo prosta prychodzić da Ŭpravy BNF i padpisvacca.
Poŭny tekst zvarotu ŭ chutkim časie budzie pradstaŭleny na sajtach Moładzi BNF i Pavietra .
Blank dla zboru podpisaŭ možna spampavać na servery http://www.pavietra.org/load/11-1-0-11
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary