Культура1212

Апошняя пілігрымка з Параф'янава

Акрамя тых пілігрымак, прыход якіх у Будслаў абвяшчаецца гучнымі прывітаннямі і воплескамі, была яшчэ нікому невядомая пілігрымка з Параф'янава.

Была. Апошняя адбылася дзесяць год таму.

Я не ведаю, не цікавіўся, адкуль пачалася традыцыя гэтай пілігрымкі. Але напярэдадні фэсту ў абед каля касцёла ў Параф'янаве збіраліся людзі і гуртам ішлі ў Будслаў.

Першы раз я хадзіў у гэтай пілігрымцы ў 2003 годзе, разам з цёткай. Было тады некалькі дзясяткаў пілігрымаў — і малыя, і старыя. З пілігрымамі ніколі не хадзіў ксёндз. Людзі ішлі самі, спявалі песні, маліліся Ружанец.

Апошняя пілігрымка з Параф'янава ў Будслаў адбылася 1 ліпеня 2007 года. Мы сабраліся ў касцёле, там пробашч (кс. Марат Казлоўскі) памаліўся і акрапіў нас свянцонай вадой.

— Ксёндз Марат, хадзіце з намі, — кажа Аксана Ючкавіч, неафіцыйная завадатарка той пілігрымкі.

— А ты за мяне Імшу ў Кіякове адслужыш? — жартам адказаў на гэта ксёндз.

Нас было каля дзесяці чалавек. Падлеткі, моладзь. Па чарзе неслі два драўляныя, упрыгожаныя кветкамі крыжы. Спявалі песні, маліліся. Прыйшлі ў Будслаў якраз да «пілігрымскай» Імшы а 18-й гадзіне.

Мне тады было 17 год, я быў толькі скончыўшы школу і здаўшы ЦТ. Гэта была апошняя пілігрымка ў маім бесклапотным, шкалярскім жыцці. У Будславе я пайшоў на споведзь да незнаёмага святара, той запытаўся, ці не думаю я паступаць у семінарыю.

Пасля я заўважыў у натоўпе Паўла Севярынца. Яго толькі-толькі выпусцілі з Сітна. Я ведаў пра яго з навінаў і з «Лістоў з лесу», якія друкаваліся ў «Нашай Ніве». Я вылавіў недзе сярод пілігрымаў Аксану.

— Хочаш пазнаёміцца з Севярынцам?

— Хачу.

— Ну то пайшлі.

Мы падыйшлі да Севярынца, прывіталіся, назваліся. Коратка распавялі пра нашыя планы грамадскай актыўнасці. Памятаю, Павал Канстанцінавіч сказаў: «Што ж, рабіце. Кропля камень точыць». Даў мне сваю візітоўку, якая і цяпер захоўваецца ў мяне.

А пасля пачалося дарослае жыццё, дзе ўсё перакруцілася, змянілася. Блізкія сталі далёкімі, а далёкія — блізкімі…

Пілігрымка з Параф'янава больш не арганізоўвалася. Тыя, хто паехаў вучыцца ў Менск, хадзілі ў пілігрымку з Менску. Сабраць чарговую пілігрымку ў Параф'янаве не было каму. А гэтыя фотаздымкі застануцца часткай мясцовай гісторыі.

Комментарии12

Байден заявил, что выходит из президентской гонки29

Байден заявил, что выходит из президентской гонки

Все новости →
Все новости

Пророссийская активистка возмутилась, что не может опубликовать фото с бело-красно-белым флагом5

Появилось ФОТО из суда над Рико Кригером

Вместо СМС — вой сирен. МЧС хочет поменять систему оповещения во время непогоды2

Олаф Шольц до сих пор смотрит ламповый телевизор6

Словакия и Венгрия прекращают качать нефть через трубопровод «Дружба». Это важно и для Беларуси

ВСУ нанесли удар по военному аэродрому в Ростовской области1

Немец, приговоренный к расстрелу, причастен к диверсиям? Вот о какой истории может идти речь9

В США освободили женщину, которая отсидела 43 года ни за что2

После урагана белорусы подали более 10 тысяч заявок в Белгосстрах1

больш чытаных навін
больш лайканых навін

Байден заявил, что выходит из президентской гонки29

Байден заявил, что выходит из президентской гонки

Главное
Все новости →