«Atłant-M» uvajšoŭ u lik samych chutkarosłych kampanij Rasii
Mižnarodnyaŭtamabilny chołdynh «Atłant-M» uvajšoŭ u top-100 samych chutkarosłych kampanijRasii ŭ 2012 hodzie.
Ekśpierty časopisa RBK, paraŭnaŭšy dadzienyja pa abjomach vyručki, pastavili pradpryjemstva, jakoje akramia Rasii pracuje ŭ Biełarusi i Ukrainie, na 71-je miesca. Temp rostu vyručki skłaŭ u kampanii 17,35%.
Lidaram rejtynhu stała kampanija «Envižn hrup», zaniataja ŭ IT -siektary. Jaje pakazčyk — 141,8%. U pieršaj dziasiatcy apynulisia taksama kampanii «Sanors» (chimija i naftachimija, 93,93%), SIBEKO (elektraenierhietyka, 69,98%), DNS (handal, 65,4%), FSK «Lidar» (žyllovaje budaŭnictva, 64,1%), HK ITG (infarmacyjnyja technałohii, 62%), «Aerafłot» (transpart i łahistyka, 60,1%), Polymetall (kalarovaja mietałurhija, 47,76%), «Intertorh» (handal, 46,7%) i «Atak» (handal, 46,5%).
Jak adznačajuć aŭtary rejtynhu, siarod kampanij, jakija akupavali pieršyja 10 radkoŭ, dźvie adnosiacca da siektara infarmacyjnych technałohij. Usiaho ž u śpisie dzieviać IT-kampanij (u top-100 2011 hoda było na adzinku mienš). Ich vyručka za 2012-y pavialičyłasia ŭ siarednim na 43%, a ŭ sukupnaści — na 39%. Heta najlepšy vynik siarod usich siektaraŭ, pradstaŭnikami jakich zapoŭnieny rejtynh. Dla paraŭnańnia, anałahičnyja pakazčyki naftahazavych pradpryjemstvaŭ, jakich u sotni taksama dzieviać, — kala 15 i 12% adpaviedna. A ŭ cełym pa ŭsich udzielnikach — 27 i 17%.
Dynamizm najbujniejšych IT-kampanij tłumačycca hałoŭnym čynam istotnym rostam popytu na ich pasłuhi z boku pradpryjemstvaŭ i bankaŭ, jaki, u svaju čarhu, adlustroŭvaje nacelenaść biznesu na pavyšeńnie efiektyŭnaści.
