Idei pra mahčymaść adździaleńnia Łathalii (paŭdniova-ŭschodniaja častka krainy, što miažuje ź Biełaruśsiu i Rasijaj) ad Łatvii zychodziać ad źniešnich niadobrazyčliŭcaŭ. Pra heta ŭ intervju LTV zajaviła premjer Łajmdota Straujuma.
Pa słovach premjera, u apošni čas časta prachodziać mitynhi, na jakich vykazvajucca radykalnyja dumki. Adnak padčas niadaŭniaj pajezdki ŭ Łathaliju Straujuma pierakanałasia, što tam «usio spakojna». Straujuma paviedamiła, što joj udałosia pahutaryć jak z kiraŭnikami samakiravańniaŭ, tak i ź miascovymi žycharami, u tym liku ruskamoŭnymi.
Premjer adznačyła, što čutki ab «asablivym statusie» Łathalii abražajuć kiraŭnikoŭ łathalskich samakiravańniaŭ.
«U Łathalii ŭ ludziej inšyja dumki. Tam nie pravodziacca mierapryjemstvy, kab zrabić niešta takoje. Takija idei inśpiravanyja zvonku», — skazała jana.
Niadaŭna rasijskija nacyjanał-balšaviki praviali la pasolstva Łatvii ŭ Maskvie pikiet «Łathalija — ruskaja ziamla!». Udzielniki akcyi patrabavali «spynić pieraśled ruskich i adnavić ich palityčnyja pravy». U mitynhu, jaki doŭžyŭsia kala hadziny, prymali ŭdzieł mienš za 10 čałaviek.
