Vybuch hranaty la Viarchoŭnaj Rady Ukrainy, fota Juryja Kirničnaha, AFP
U vyniku sutyknieńniaŭ kala budynka Viarchoŭnaj rady paranieny 131 supracoŭnik pravaachoŭnych orhanaŭ Ukrainy, ź ich 10 čałaviek znachodziacca ŭ ciažkim stanie, paviedamlaje pres-słužba HU MUS u Kijevie.
Jak raspavioŭ ministr unutranych spraŭ Ukrainy Arsien Avakaŭ, ranieńni roznaha charaktaru atrymali bajcy Nachvardyi, supracoŭniki niekalkich padraździaleńniaŭ MUS, śpiecnaza MUS, słužby DSA i ŭčastkovyja.
Sutyknieńnia kala Rady pačalisia ŭ paniadziełak paśla pryniaćcia parłamientam u pieršym čytańni zakona ab decentralizacyi. Adzin z udzielnikaŭ akcyi kinuŭ hranatu, u vyniku čaho zahinuŭ vajskoviec Nacyjanalnaj hvardyi Ihar Dziebryn.
Bolš za pałovu paciarpiełych — 69 čałaviek — bajcy nachvardyi.
Milicyja zatrymała kala 30 udzielnikaŭ sutyknieńniaŭ, siarod ich i čałavieka, jaki, jak miarkujecca, kinuŭ hranatu.
