kommersant.ru
Vice-premjer RF Dźmitryj Rahozin padčas stralby ŭ ciry vypadkova paraniŭ siabie ŭ nahu, raspaviała krynica «Interfaksa».
Adkazvajučy na pytańnie, čamu Rahozin nie prysutničaŭ na sustrečy Pucina z členami ŭrada na minułym tydni i na vynikovym pasiadžeńni kabinieta ministraŭ u paniadziełak, surazmoŭca ahienctva rastłumačyŭ, što heta źviazana ź niaščasnym vypadkam, jaki adbyŭsia padčas trenirovačnaj stralby.
Pavodle jaho słoŭ, čynoŭnik znachodzicca ŭ adnoj z maskoŭskich balnic, stan jaho zdaroŭja bojazi nie vyklikaje.
Paźniej Mikita Anisimaŭ pamočnik Dźmitryja Rahozina, abvierh paviedamleńni ab tym, što vice-premjer paraniŭ nahu padčas stralby ŭ ciry.
Pra heta jon raspavioŭ RIA Naviny.
Pavodle jaho słoŭ, Rahozin ŭziaŭ balničny na niekalki dzion paśla taho, jak atrymaŭ nievialikuju traŭmu padčas treniroŭki pa handbole.
Anisimaŭ dadaŭ, što vice-premjer znachodzicca na pracy. «Siońnia pravodziŭ naradu pa kasmadromie Uschodni», — adznačyŭ pamočnik.
