«Na žal, tyja źniešnija faktary, jakija zakładvali ŭ prahnoz-2016, apynulisia našmat horšyja, čym my mahli mierkavać. Choć my nie na pustym miescy prahnazavali — my hruntavalisia na ličbach mižnarodnych finansavych arhanizacyj», pryznaŭ premjer-ministr Biełarusi Andrej Kabiakoŭ u intervju prahramie «Hałoŭny efir telekanała «Biełaruś 1».
Prezident niadaŭna narakaŭ, što matryca prahnoznych pakazčykaŭ pa vynikach pieršaha kvartała apynułasia ŭ asnoŭnym u čyrvonym kolery. Hałoŭny «čyrvony» indykatar, patłumačyŭ Kabiakoŭ, — ekanamičny rost. VUP pa vynikach kvartała ŭpaŭ na 3,6%.
U vyniku ŭrad byŭ vymušany prymać miery pa biudžetnaj kansalidacyi. «Na 16 trłn rubloŭ my zareziervavali vydatki biudžetu. A heta vielmi adčuvalna — my nie mahli sabie dazvolić začapić sacyjalnyja abaviazacielstvy, zarpłaty, piensii», — adznačyŭ Kabiakoŭ, dadaŭšy, što paralelna išoŭ pošuk novych krynic dachodaŭ. Heta było pavyšeńnie stavak akcyzaŭ na paliva («biez pavieličeńnia roźničnych cenaŭ», — padkreśliŭ premjer) i tytuniovyja vyraby, admova ad lhot pa PDV na hramadskim transparcie («nie pavialičvajučy taryfy»).
«Viadoma, urad prapanoŭvaŭ bolš hłybokija miery, adčuvalnyja dla nasielnictva. Kiraŭnik dziaržavy ź imi nie pahadziŭsia», — adznačyŭ Kabiakoŭ.
Pry hetym premjer-ministr pahadziŭsia z tezisam prezidenta ab najaŭnaści ŭ biełaruskaj ekanomiki faktaraŭ rostu: «Prezident absalutna vyrazna skazaŭ, choć kamuści moža zdacca, što ŭ hetym niama asablivaj navizny, — źnižajcie vydatki. Nie prasicie hrošy na padtrymańnie stratnaj i nieefiektyŭnaj dziejnaści, a pryvodźcie jaje ŭ adpaviednaść z novymi ŭmovami».
Jon zapeŭniŭ, što ŭrad pasprabuje źmiakčyć situacyju, «ale kali pradpryjemstva nie ŭ stanie zabiaśpiečyć bałans pamiž dachodami i raschodami, to ŭvohule niama pra što razmaŭlać».
Havorka idzie pra toje, rastłumačyŭ Kabiakoŭ, što pradpryjemstvy stratnyja, nieefiektyŭnyja, tyja, chto prosić pastajanna dapamohu, pavinny zaniacca źnižeńniem vydatkaŭ u pieršuju čarhu, i takich mahčymaściaŭ tam bolš čym dastatkova. «Mnohija dumajuć, što pahavorać-pahavorać, i na hetym usio skončycca. A potym daduć hrošaj, i ŭsie pačnuć žyć, prypiavajučy, prajadajučy i spadziejučysia, što daduć jašče. Hetaha nie budzie», — zapeŭniŭ jon.
