Fota flightradar24.
Tvitar sajta flightradar24.com paviedamlaje: Boeing 777-367 avijakampanii Cathay Pacific ździejśniŭ ekstranuju pasadku ŭ aeraporcie Minska. Samalot Cathay Pacific lacieŭ z Amsterdama ŭ Hankonh. U biełaruski aeraport «Boinh» nakiravali z-za pieraściarohi: było padazreńnie na ŭciečku paliva ŭ ruchaviku. Pasadka prajšła biez zdareńniaŭ.
Z-za hetaj situacyi rejs pa maršrucie Adesa-Minsk B2 850 «Biełavija», jaki pavinien byŭ pryziamlicca ŭ staličnym aeraporcie ŭ 16:35, syšoŭ na zapasny aeradrom, u Homiel.
— Taksama budzie zatrymany šerah rejsaŭ. Avijakampanija prynosić svaje prabačeńni za niazručnaści, — skazała TUT.BY načalnik adździeła rekłamy i kamunikacyj «Biełavija» Volha Hierasienka. — Pasažyram, jakija stracili stykoŭki, pradastaviać alternatyŭnyja varyjanty prytrymlivańnia raniej zapłanavanaha maršrutu.
Cathay Pacific — fłahmanskaja avijakampanija Hankonha.
