tass.ru
Biełaruś u budučyni moža razhledzieć pytańnie ab zakupcy ŭ Rasii rakietnych kompleksaŭ «Iskander». Pra heta zajaviŭ pasoł Biełarusi ŭ Rasii Ihar Pietryšenka.
Pietryšenka nahadaŭ, što ciapier u Biełarusi asnoŭnym zienitna-rakietnym kompleksam zastajecca sistema S-300. U budučyni Biełaruś moža nabyć jak zienitnyja kompleksy S-400 dla abarony pavietranaj prastory, tak i rakietnyja kompleksy «Iskander».
«Pastaŭki kompleksaŭ S-400 i apieratyŭna-taktyčnych rakietnych kompleksaŭ «Iskander» mohuć być razhledžany z ulikam źjaŭleńnia novaha ŭzbrajeńnia z palepšanymi charaktarystykami. Čakajem, što ŭ pierśpiektyvie na achovu pavietranych miežaŭ Sajuznaj dziaržavy zastupiać Su-30SM vojskaŭ VPS i SPA Biełarusi», - raspavioŭ Pietryšenka.
U mai kamandujučy Vajenna-pavietranymi siłami i Vojskami supraćpavietranaj abarony Uzbrojenych sił Biełarusi hienierał-major Aleh Dvihaloŭ zajaviŭ, što Biełaruś maje namier zakupić u Rasii partyju źniščalnikaŭ Su-30SM. Taksama jon raspavioŭ ab płanach nabyćcia Minskam vučebna-trenirovačnych samalotaŭ Jak-130.
Apieratyŭna-taktyčny rakietny kompleks «Iskander» pastupiŭ na ŭzbrajeńnie rasijskaj armii ŭ 2006 hodzie. Jon zdolny paražać celi na adlehłaści da 500 km, abychodziačy pry hetym sistemy supraćpavietranaj i supraćrakietnaj abarony. Pry hetym rakiety kompleksu mohuć asnaščacca jak niejadziernymi, tak i jadziernaj častkaj. Raniej, u červieni 2016 hoda hiendyrektar dziaržkarparacyi «Rostiech» Siarhiej Čemiezaŭ u intervju «Kommiersantu» zajaviŭ, što «Iskander» «znachodzicca ŭ śpisie pradukcyi, zabaronienaj da ekspartu», i Rasija nie maje namieru pieradavać kompleks inšym krainam.
