Učora ŭ Minsk prylacieŭ znakamity francuzski bijatłanist Rafael Puare, jaki paśla zaviaršeńnia svajoj karjery pačynaŭ trenierskuju ŭ Narviehii — na radzimie svajoj žonki
Aproč taho Rafael kansultavaŭ adnaho ź lidaraŭ narviežskaj zbornaj Tarje Bio, dla jakoha, praŭda, spabornicki pieryjad nie zadaŭsia. U tym liku stralba, za jakuju adkazvaŭ Puare.
Prylot takoj značnaj fihury — trochrazovaha pryziora Alimpijadaŭ, vaśmirazovaha čempijona śvietu, čatyrochkrotnaha ŭładalnika Vialikaha Kryštalovaha hłobusa — heta padzieja. Tym bolš, kali heta padzieja paćviardžała čutku pra toje, što Puare jašče raniej było prapanavana ŭznačalić mužčynskuju zbornuju Biełarusi, źmianiŭšy na hetaj pasadzie Juryja Albiersa.
Puare ŭziaŭ čas na rozdum, a ciapier prybyŭ u Minsk dla pieramovaŭ.
Siońnia prajšli jaho pieramovy sa staršyniom fiederacyi bijatłona, kiraŭnikom KDB Vadzimam Zajcavym.
Jak paviedamiŭ hienieralny sakratar fiederacyi Anatol Stromski, Zajcaŭ i Puare abmierkavali mahčymaść supracoŭnictva słavutaha francuza ź biełaruskaj zbornaj. Praŭda, pavodie słoŭ hienieralnaha sakratara, pakul nieviadoma, u jakim vyhladzie i ŭ jakoj formie budzie adbyvacca heta supracoŭnictva.
«Pakul štości ciažka kankretyzavać. Nie mahu skazać, u jakim vyhladzie budzie adbyvacca supracoŭnictva Puare z našaj zbornaj.
Taksama nie mahu nazvać i terminy, kali budzie dakładnaść, tut šmat faktaraŭ. Puare pakinie Minsk zaŭtra»,— adznačyŭ Stromski.
