Kubanskija čynoŭniki «schadzili na stadyjon» z dapamohaj fotašopu 6

Na aficyjnym sajcie Łabinskaha rajona Krasnadarskaha kraju źjaviłasia paviedamleńnie pra ŭračystaje adkryćcio finału Sielskich hulniaŭ Kubani, u jakaści ilustracyi da jakoha vykarystany fotakałaž.

Z dapamohaj hrafičnaha redaktara na zdymak stadyjona nakłali fatahrafiju čynoŭnikaŭ. U paviedamleńni pres-słužby havorycca: «Hanarovymi haściami spartyŭnaha śviata byli vice-hubiernatar Krasnadarskaha kraju Mikałaj Dałuda, kiraŭnik administracyi municypalnaj adukacyi Łabinskaha rajona, Hieroj pracy Kubani Alaksandr Sadčykaŭ, kiraŭnik Łabinskaha haradskoha pasielišča Vasil Klujeŭ».

U internecie ŭžo źjaviŭsia šerah parodyj, na jakich kubanskija čynoŭniki «naviedvajuć» Miesiac, Čyrvonuju płošču i akcyi pratestu apazicyi.

Adkryćcio finału Sielskich hulniaŭ Kubani adbyłosia ŭ Łabinsku 2–3 červienia. U hulniach udzielničali 44 kamandy municypalnych utvareńniaŭ kraju. Jany spaborničali ŭ lohkaj atletycy, arm-sporcie, pieraciahvańni kanata i dojcy.

0

0

0

0

0

0

lenta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH