Śledčym kamitetam Biełarusi zavieršana rasśledavańnie kryminalnaj spravy ŭ dačynieńni da pieršaha namieśnika kiraŭnika administracyi Maskoŭskaha rajona Minska.
Jak paviedamili ŭ adździele infarmacyi i suviazi z hramadskaściu kamiteta, materyjały pieradadzieny ŭ prakuraturu dla nakiravańnia ŭ sud.
Nahadajem,
u kancy studzienia 2012 hoda ŭ dačynieńni da čynoŭnika była raspačata sprava na padstavie č. 3 art. 430 KK (atrymańnie chabaru asobaj, jakaja zajmaje adkaznaje stanovišča).Jaho abvinavacili ŭ nieadnarazovym atrymańni chabaru ad pradprymalnikaŭ za vyrašeńnie pytańniaŭ, što ŭvachodzili ŭ jaho kampietencyju.
Papiarednim śledstvam było ŭstanoŭlena šeść epizodaŭ złačynnaj dziejnaści čynoŭnika. Ahulnaja suma chabaru pieravysiła 90 młn. rubloŭ.Padčas śledstva dachod, atrymany złačynnym šlacham, viernuty abvinavačvanym u poŭnym abjomie.
U metach ustaranieńnia pryčyn i ŭmoŭ, jakija sadziejničajuć učynieńniu hetych złačynstvaŭ, pavodle vynikaŭ rasśledavańnia kryminalnaj spravy ŭ Minski haradski vykanaŭčy kamitet uniesiena dakładnaja zapiska.
U pačatku 2012 hoda pieršym namieśnikam kiraŭnika administracyi Maskoŭskaha rajona Minska byŭ Dźmitryj Janoŭski.
0
0
0
0
0
0